Eyesibini yokumkani 15

₁NGOMNYAKA wamashumi mabini anesixe̔nxe ka‐Jerobome ukumkani wo‐Sirayeli, waba ngukumkani u‐Hazariya unyana ka‐Amatsiya ukumkani wo‐Juda. ₂Ebeyiminyaka ilishumi linesitandatu ubudala bake, akuba ngukumkani, wapata ubukumkani e‐Yerusaleme iminyaka yamashumi mahlanu anamibini. Igama lonina belingu‐Yekoliya, owase‐Yerusaleme. ₃Wayesenza okufaneleyo emehlweni kayehova, njengako konke abekwenzile u‐Amatsiya uyise. ₄Kodwa indawo ezipakamileyo bezingasuswa; abantu basabinga baqumisa ezindaweni ezipakamileyo.

₅Wati uyehova wambeta ukumkani, ukuba waba lileperi kwada kwayimini yokufa kwake, wahlala endlwini eyahlukileyo. Waye u‐Yotame unyana wokumkani ebepezu kwendlu, egweba abantu belizwe.

₆Nesisalela semicimbi ka‐Hazariya, nako konke abekwenza, ayiba̔lwanga na yona encwadini yemicimbi yemihla ngemihla yokumkani bo‐Juda? ₇Wada u‐Hazariya walala noyise bake, wancw̔atywa noyise bake esixekweni sika‐Davide; waza u‐Yotame unyana wake waba ngukumkani esikundleni sake.

₈NGOMNYAKA wamashumi matatu anesibozo ka‐Hazariya ukumkani wo‐Juda, wapata ubukumkani u‐Zekariya unyana ka‐Jerobome pezu kwo‐Sirayeli e‐Samariya inyanga zantandatu. ₉Wayesenza okukohlakeleyo emehlweni kayehova, njengokuba bebenje njalo oyise bake; akapambuka kuzo izono zika‐Jerobome unyana ka‐Nebati, owenzayo o‐Sirayeli bone. ₁₀Waza u‐Shalume unyana ka‐Yabeshe waceba ngakuye, wambeta pambi kwabantu, wambulala, waba ngukumkani esikundleni sake.

₁₁Nesisalela semicimbi ka‐Zekariya, bona ke, iba̔liwe yona encwadini yemicimbi yemihla ngemihla yokumkani bo‐Sirayeli. ₁₂Eli libe lilizwi likayehova owabelitetile ku‐Jehu, lisiti: Onyana bako besesine isizukulwana baya kuhlala pezu kweterone yakwa‐Sirayeli. Kwaye kuba njalo ke.

₁₃U‐Shalume unyana ka‐Yabeshe waba ngukumkani ngomnyaka wamashumi matatu anesitoba ka‐Huziya ukumkani wo‐Juda; wayepata ubukumkani inyanga ipela e‐Samariya. ₁₄Waza u‐Menaheme unyana ka‐Gadi wenyuka e‐Tiretsa, weza e‐Samariya, wambeta u‐Shalume unyana ka‐Yabeshe e‐Samariya, wambulala, waba ngukumkani esikundleni sake.

₁₅Nesisalela semicimbi ka‐Shalume, nokuceba kwake owaceba ngako, bona ke, iba̔liwe yona encwadini yemicimbi yemihla ngemihla yokumkani bo‐Sirayeli.

₁₆Oko u‐Menaheme wayibeta i‐Tipesahi, nabo bonke abakuyo, nemida yayo, esuka e‐Tiretsa; ngokokuba bekungamvulelwanga, kukona wayibetayo; bonke abamitiyo bayo wabaqangqulula.

₁₇Ngomnyaka wamashumi matatu anesitoba ka‐Hazariya ukumkani wo‐Juda, waba ngukumkani u‐Menaheme unyana ka‐Gadi pezu kwo‐Sirayeli, wapata ubukumkani iminyaka yalishumi e‐Samariya. ₁₈Wayesenza okukohlakeleyo emehlweni kayehova; akapambuka kuzo izono zika‐Jerobome unyana ka‐Nebati, owenzayo o‐Sirayeli bone, yonke imihla yake. ₁₉Kwandula kweza u‐Pule ukumkani we‐Asiriya ngakulo ilizwe; waza u‐Menaheme wamnika u‐Pule iwaka letalente zesilivere, ukuze isandla sake sibe naye ukuqinisa ubukumkani esandleni sake. ₂₀Nemali leyo wayibiza u‐Menaheme ko‐Sirayeli, kubo bonke abakulu ngobutyebi, ize inikwe kuye ukumkani we‐Asiriya, ishekele zesilivere ezingamashumi mahlanu kubo bonke ngabanye. Waza wabuya ukumkani we‐Asiriya, engahlali kona elizweni apo.

₂₁Nesisalela semicimbi ka‐Menaheme, nako konke abekwenza, ayiba̔lwanga na yona encwadini yemicimbi yemihla ngemihla yokumkani bo‐Sirayeli? ₂₂Wada walala u‐Menaheme noyise bake; waza u‐Pekahiya unyana wake waba ngukumkani esikundleni sake.

₂₃Ngomnyaka wamashumi mahlanu ka‐Hazariya ukumkani wo‐Juda, waba ngukumkani u‐Pekahiya unyana ka‐Menaheme pezu kwo‐Sirayeli e‐Samariya, wapata ubukumkani iminyaka yamibini. ₂₄Wayesenza okukohlakeleyo emehlweni kayehova; akapambuka kuzo izono zika‐Jerobome unyana ka‐Nebati, owenzayo o‐Sirayeli bone. ₂₅Koko u‐Pekahi unyana ka‐Remaliya, injengele yake, waceba ngakuye, wambeta e‐Samariya, enqatyeni yendlu yokumkani, kunye no‐Ragobi no‐Ariye, namadoda amashumi mahlanu elusatsheni lwama‐Gileyadi ndawonye naye: wambulala ke, waba ngukumkani esikundleni sake.

₂₆Nesisalela semicimbi ka‐Pekahiya, nako konke abekwenza, bona ke, iba̔liwe yona encwadini yemicimbi yemihla ngemihla yokumkani bo‐Sirayeli.

₂₇Ngomnyaka wamashumi mahlanu anesibini ka‐Hazariya ukumkani wo‐Juda, waba ngukumkani u‐Pekahi unyana ka‐Remaliya pezu kwo‐Sirayeli e‐Samariya, wapata ubukumkani iminyaka yamashumi mabini. ₂₈Wayesenza okukohlakeleyo emehlweni kayehova; akapambuka kuzo izono zika‐Jerobome unyana ka‐Nebati, owenzayo o‐Sirayeli bone. ₂₉Emihleni ka‐Pekahi ukumkani wo‐Sirayeli, weza u‐Tigilate‐pilesere ukumkani we‐Asiriya, wabamba i‐Hiyone, ne‐Abele‐bete‐mahaka, ne‐Yanoha, ne‐Kedeshe, ne‐Hatsore, ne‐Gileyadi, ne‐Galili, lonke ilizwe lakwa‐Nefatali, nabantu wabafudusela e‐Asiriya. ₃₀Waza u‐Hosheha unyana ka‐Ela wenza ingcebiswano ngakuye u‐Pekahi unyana ka‐Remaliya, wambeta, wambulala, waba ngukumkani esikundleni sake, ngomnyaka wamashumi mabini ka‐Yotame unyana ka‐Huziya.

₃₁Nesisalela semicimbi ka‐Pekahi, nako konke abekwenza, bona ke, iba̔liwe yona encwadini yemicimbi yemihla ngemihla yokumkani bo‐Sirayeli.

₃₂NGOMNYAKA wesibini ka‐Pekahi unyana ka‐Remaliya ukumkani wo‐Sirayeli, waba ngukumkani u‐Yotame unyana ka‐Huziya ukumkani wo‐Juda. ₃₃Ebeyiminyaka imashumi mabini anamihlanu ubudala bake, akuba ngukumkani, wapata ubukumkani iminyaka yalishumi elinesitandatu e‐Yerusaleme. Igama lonina belingu‐Yerusha, intombi ka‐Tsadoki. ₃₄Wayesenza okufaneleyo emehlweni kayehova; njengako konke abekwenzile u‐Huziya uyise, wenje njalo. ₃₅Kodwa indawo ezipakamileyo bezingasuswa; abantu basabinga baqumisa ezindaweni ezipakamileyo. Yena walaka isango lasentla lendlu kayehova.

₃₆Nesisalela semicimbi ka‐Yotame, nako konke abekwenza, ayiba̔lwanga na yona encwadini yemicimbi yemihla ngemihla yokumkani bo‐Juda? ₃₇Ngaleyomihla waqala uyehova ukutuma ngakwo‐Juda, u‐Retsine ukumkani we‐Siriya, no‐Pekahi unyana ka‐Remaliya. ₃₈Wada walala u‐Yotame noyise bake, wancw̔atywa noyise bake esixekweni sika‐Davide uyise; waza u‐Ahazi unyana wake waba ngukumkani esikundleni sake.