Eyokuqala ka‐Samyali 21

₁WANDULA weza u‐Davide e‐Nobe ku‐Ahimeleki umperisite: waye u‐Ahimeleki wamkaulela u‐Davide ngokungcangcazela, wati kuye: Yinina ukuba uwedwa, ingeko indoda nawe nje? ₂Waza u‐Davide wati ku‐Ahimeleki umperisite: Ukumkani undiyalele umcimbi, wati kum: Makungaziwa mntu nanye into yalomcimbi endikutumileyo ngawo, nendikuyalele wona; kanjalo amadodana ndiwanqopisele indawo etile. ₃Ngako kaloku, yinto nina epantsi kwesandla sako? nikela izonka ezihlanu esandleni sam, umhlaumbi oko kusukuba kuko. ₄Waza umperisite wampendula u‐Davide, wati: Akuko isonka esingengcwele pantsi kwesandla sam, kuko kodwa isonka esingcwele, ukuba amadodana azigcinile ebafazini kupela. ₅Waza u‐Davide wampendula umperisite, wati kuye: Ngenyaniso abafazi babanjiwe kuti izolo nezolo elinye, nxa ndapumayo; kanjalo izitya zamadodana zingcwele; neso sesingati sisonka esingengcwele, nangokukodwa nxa siya kungcwaliswa namhla esinye esityeni. ₆Waza umperisite wamnika isonka esingcwele; ngokuba bekungeko kona isonka ngapandle kwezonka zokubonakala, ezibe zisuswa pambi kwoyehova, ukuze kubekwe isonka esifudumeleyo ngomhla wokususwa kwazo. ₇(Kwaye kuko kona indoda ezicakeni zika‐Saule ngalomhla, ebibanjezelwa pambi kwoyehova, egama belingu‐Dowegi, um‐Edome, inkosi yabalusi abalunge ku‐Saule.) ₈Wati u‐Davide kanjako ku‐Ahimeleki: Kanene akuko apa na pantsi kwesandla sako intshuntshe umhlaumbi iṙele? ngokuba ndingatabatanga esandleni sam kwa neṙele lam nezixo̔bo zam, ngokuba umcimbi wokumkani ubunxamile. ₉Waza wati umperisite: Iṙele lika‐Goliyate um‐Filistiya, obumbulala emhlanjeni wemikoba, nali lilapa, lisongiwe engutyeni emva kweyefodi: ukuba uya kuzitabatela lona, litabate; ngokuba lingeko limbi ngapandle kwalo. Wayesiti u‐Davide: Akuko elinjengelo; linike kum.

₁₀Wesuka ke u‐Davide, wesaba ngalomhla ebusweni buka‐Saule, waya ku‐Akishe ukumkani we‐Gate. ₁₁Zaza izicaka zika‐Akishe zati kuye: Lo asi nguye na u‐Davide, ukumkani welizwe? abavumanga ngaye na emidudweni, besiti: u‐Saule ubulele amawaka ake, kodwa u‐Davide amawaka ake alishumi? ₁₂Waye u‐Davide wabekela lamazwi entliziyweni yake, woyika kakulu ngenxa ka‐Akishe ukumkani we‐Gate. ₁₃Ngako wayenza yimbi ingqondo yake emehlweni abo, wazenzisa igeza ezandleni zabo, waṙwela pezu kwengcango zesango, wahlisela amate ake eludevini lwake. ₁₄Waza u‐Akishe wati kuzo izicaka zake: Kangelani, niyabona lendoda ukuba iyageza: yinina ukuba niyizisile kum? ₁₅ndinokuswela abagezayo na, ukuba nimzisile lo ageze pambi kwam? uya kuza lo endlwini yam yinina?