ESTERE (TSHIGIRIKI) 12

_12/1Zwino Maradokai o vha a tshi dzula musanda e na Bigithana na Thereshe, vhaluvhedzwa vhavhili vha khosi, vhe vha vha vhe vhalindi vha muṱa wa pfamo. _13/2Maradokai a vha pfa vha tshi khou amba vha tshi luka tshimbevha, a tshi vhudzisesa mihumbulo yavho a wana uri vha khou tanda li sa fukwi ḽa u vhulaha khosi Serekesese. Ndi hone a tshi vhudza khosi zwine vha ṱoḓa u zwi ita. _14/3Khosi ya sengisa vhaluvhedzwa avho vhavhili, ya ita uri vha tambudzwe; ndi hone vha tshi bula tshimbevha tshavho, vha vhulahwa. _15/4Khosi ya ṅwalisa mafhungo ayo buguni dza histori yayo, Maradokai na ene a a ṅwala. _16/5Khosi ya vhea Maradokai uri a shume khoroni ya musanda, ya mu pfufhela zwe a ita.

_17/6Hone Hamani murwa wa Hamedatha wa lutsinga lwa Agaga, we a vha a tshi huliseswa nga khosi, a elekanya u vhaisa Maradokai na vhathu vha hawe nga mulandu wa vhaluvhedzwa vhavhili vha khosi.