DIPESALEME 98

Opelelang Morena sefela se sešwa;

gonne o dirile

dilo tse di gakgamatsang.

O fenya ka seatla se se jang,

e bong ka letsogo la gagwe

le le boitshepo.

₂Morena o utlwaditse

pholoso ya gagwe,

a senolela matlho a ditšhaba

tshiamo ya gagwe.

₃O gopotse bopelontle jwa gagwe

le boikanyo jwa gagwe

mo Baiseraeleng;

dikhutlo tsotlhe tsa lefatshe

di bonye pholoso

ya Modimo wa rona.

₄Dudueletsang Morena,

lona ba lefatshe lotlhe;

ponyegang, lo ipele, lo opele.

₅Opelelang Morena ka katara,

ka katara le mantswe a kopelo.

₆Duduetsang ka diphala

le tumo ya dinaka

fa pele ga Morena yo e leng kgosi.

₇A lewatle le gwase

le tse di tletseng mo go lone,

le lefatshe le ba ba agileng

mo go lone.

₈A dinoka di ope diatla

le dithaba di pate ka maipelo

₉fa pele ga Morena.

Gonne o e tla go atlhola lefatshe.

O tla atlhola lefatshe ka tshiamo,

le batho ka tshwanelo.