DIPESALEME 3
Sefela sa mo mosong
1Pesalome ya ga Dafita ya sebaka sa fa a tshaba Abesalomo morwawe.
2Morena, kana baganetsi ba me
ba atile jang!
Ba bantsi ba ba ntsogelang,
3ba bantsi ba ba buang ka ga me
ba re:
“Ga a na thuso epe
mo Modimong.” Sela.
4Mme wena, Morena,
o thebe e e ntshireletsang,
o tlotlo ya me
le motsholetsi wa tlhogo ya me.
5Ke tlhaeleleditse thata
go Morena, mme a nkutlwa,
a le mo thabeng ya gagwe
e e boitshepo. Sela.
6Ke ne ka rapama, ka robala;
ka ba ka thanya;
gonne Morena o a nkokotletsa.
7Ga nkitla ke boifa dikete
tse di masome tsa batho
ba ba ntsogetseng ba ntikanyeditse.
8Tloga o eme, Morena; mpholose,
Modimo wa me!
Gonne o iteile baba ba me botlhe
mo lotlhaeng,
o robile meno a baikepi.
9Pholoso e mo Moreneng;
tshegofatso ya gago
e okame morafe wa gago. Sela.
© Bible Society of South Africa 1970, 1987, 2007. Used by permission. All rights reserved.
