HOSEA 3

₁Jehofa a nthaya, a re: “Ba o ye gape, o rate mosadi yo o ratwang ke mogatse, le yo o leng seaka, fela jaaka Jehofa a rata bana ba Iseraele, le fa ba menogela kwa medimong e sele, mme ba rata dinkgwenyana tsa ditshwabi tsa mafine.”

₂Jalo ka mo ithekela ka dipapetlana tsa selefera di le 15, le kgetse ya barele, le bontlhanngwe jwa kgetse ya barele. ₃Mme ka mo raya ka re: “O tlaa nnela ka malatsi a le mantsi; o se ka wa dira jaaka seaka, o bo o se ka wa nna mosadi wa monna ope, le nna ke tlaa nna jalo ntlheng ya gago.” ₄Gonne bana ba Iseraele ba tlaa nna malatsi a le mantsi ba se na kgosi, ba se na kgosana, ba se na setlhabelo, ba se na setshwantsho se se setilweng se eme motloutlo, ba se na sekhutlana le fa e le mereo! ₅Morago ga moo bana ba Iseraele ba tlaa boa, ba batla Jehofa Modimo wa bone, le Dafite kgosi ya bone; ba tlaa tla ka poifo mo go Jehofa le mo molemong wa gagwe mo metlheng ya morago.