TIPISALEMA 128

₁Ku katekile mani na mani la chavaka Yehovha,

La fambaka etindleleni ta yena!

₂Ina, u ta dya swakudya swa ntirho wa mavoko ya wena,

U katekile, swilo swa wena swa andza.

₃Nsati wa wena u fana ni vhinya leyi velekaka ngopfu

Endlwini ya wena;

Vana va xinuna va wena va kotisa mitlhwari leyintshwa,

Loko va rhendzela tafula ra wena.

₄Vonani mukhuva lowu ku nga ta katekisiwa

Munhu la chavaka Yehovha!

₅Yehovha a a ku katekise hi ku kateka loku humaka eSiyoni.

Hi leswaku u ta vona ku kateka ka Yerusalema,

Hi masiku hinkwawo ya ku hanya ka wena.

₆U ta vona vana va vana va wena.

Ku rhula a ku ve ehenhla ka Israele!