TIPISALEMA 127

₁Loko Yehovha a nga aki yindlu,

Lava yi akaka va tikarhatela swahava.

Loko Yehovha a nga hanyanyeli muti,

Valanguteri a va pfuni nchumu.

₂A swi mi pfuni nchumu ku vindzuka nimixo

Ni ku hlwela ku ya eku etleleni,

Ni ku dya vuswa lebyi vavisaka!

Murhandziwa wa yena wa nyikiwa leswo tano evurhongweni bya yena.

₃Vonani, vana va xinuna, i ndzhaka ya Yehovha!

Mbhandzu wa khwiri i hakelo.

₄Kukotisa miseve evokweni ra nhenha,

Vana va vuntshwa va tano.

₅Ku katekile munhu loyi, nkotloto wa yena wu teleke vona,

Va nga ka va nga vi na tingana

Loko va ta vulavula ni valala enyangweni ya muti.