Sihlabelelo saDavide lesisikhumbuto; setfulwe kumhlabelisi.
1Hhawu, Nkulunkulu!
Phutfuma ungikhulule!
Hhawu, Simakadze!
Phutfuma ungisite!
2Abahlazeke bajabhe
labo labafuna kuphila kwami
nalabo labafuna kungibulala.
Abancandzekiswe bahlazekile
labo labangifisela kutsi ngife.
3Labo labangicoloshelako batsi:
“Walayeka!”
Shangatsi bangancandvwa ngemahloni.
4Bonkhe labafuna wena
abajabule batfokote kuwe!
Nalabo labatsandza insindziso yakho
abasho njalonjalo batsi:
“Mkhulu Nkulunkulu!”
5Kodvwa mine ngihluphekile futsi ngeswele,
ngiphutfume, Nkulunkulu.
Nguwe lolusito lwami nemkhululi wami.
Awu, Simakadze, shesha, ungalibali.
Isikhangeli sakho asixhasi i-HTML5 yomsindo.
