Sihlabelelo 120

₁Nangisekuhluphekeni,

ngiyakhala kuSimakadze,

yena angiphendvule.

₂Simakadze, ngisindzise

kulabangicalela emanga nakubakhohlisi.

₃Nine labacala emanga,

Nkulunkulu uyakwentani kini?

Uyawunijezisa kanjani?

₄Niyawujeziswa ngemicibisholo

lekhaliphako yemphi;

nijeziswe nangemlilo wemalahle embondvo.

₅Maye kimi,

lengingumchamuki lapha kaMesheki,

ngihlala emathendeni akaKhedari.

₆Sengihleti kakhulu, kwaze kwengca,

emkhatsini walabatondza kuthula.

₇Mine ngitsandza lucolo nekuthula,

kodvwa nangitsi ngiyakhuluma nje,

bavuka indlwabane.