LIPESALEMA 61

₂Molimo, ak'u utloe sello sa ka,

ak'u mamele thapelo ea ka.

₃Ke ipiletsa ho uena

ke le pheletsong tsa lefatše,

pelo ea ka e saretsoe.

U ntlhoesetse lefikeng

leo ke sitoang ho le hloa,

₄hobane u setšabelo sa ka,

qhobosheane e matla

mahlong a lira tsa ka.

₅A nke ke lule

ka Tempeleng ea hao kamehla,

ke tle ke tšabele

tlas'a mapheo a hao.

₆Uena Molimo,

u amohetse likano tsa ka;

ba tšabang lebitso la hao

u ba fa seo ba se lakatsang.

₇Ekeletsa khosi matsatsi a bophelo,

lilemo tsa eona

li akaretse le melōko e tlang.

₈E ke e lule teroneng

kamehla le mehla,

e lule kapele ho Molimo;

mohau le 'nete ea hao

li ke li e bōlōke.

₉Ke moo ke tla roka

lebitso la hao kamehla,

ha ke ntse ke phetha likano tsa ka,

ke li phetha ka matsatsi 'ohle.