LUKA 6

₁Ha etsahala hore Jesu a fete har'a masimo ka Sabatha. Barutuoa ba hae ba kha matšohlo, ba a hōhla ka liatla, ba a ja. ₂Ba bang ba Bafarisi ba re: “Le etsetsa'ng ho sa lumelloang ka Sabatha?”

₃Jesu a ba araba, a re: “Na ha lea ka la bala seo Davida a neng a se etse ha a lapile, 'moho le bao a neng a e-na le bona; ₄kamoo a neng a kene ka Tlung ea Molimo kateng, 'me a nka bohobe bo halalelang, a bo ja, a fa le bao a neng a e-na le bona, e leng boo a neng a sa lumelloa ho bo ja, bo jeoa ke baprista feela?” ₅A re ho bona: “Mor'a Motho ke morena oa Sabatha.”

₆Joale ha etsahala ka Sabatha se seng hore Jesu a kene ka tlung ea thapelo, a rute. Ho ne ho e-na le motho teng ea shoeleng letsoho le letona. ₇Litsebi tsa Molao le Bafarisi ba ne ba mo lisitse hore na o tla folisa ka Sabatha, hore ba tle ba fumane lebaka la ho mo qōsa. ₈Empa Jesu o ne a tseba mehopolo ea bona, 'me a re ho monna ea shoeleng letsoho: “Tloo, u eme mona hare!” A tla, a ema.

₉Eaba Jesu o re ho bona: “Kea le botsa hore na hoa lumelloa ho etsa hantle kapa ho etsa hampe, ho pholosa bophelo kapa ho bo timetsa ka Sabatha?”

₁₀A ba ea ka mahlo bohle: a re ho eena: “Otlolla letsoho la hao!” A etsa joalo, eaba letsoho la hae lea fola. ₁₁Empa bona ba tlaloa ke khalefo, ba buisana ka seo ba ka se etsang Jesu.

₁₂Matsatsing ao ha etsahala hore Jesu a tsoele thabeng ho ea rapela, 'me a sesa bosiu a ntse a rapela Molimo. ₁₃Ha bo sele, a bitsetsa barutuoa ba hae ho eena, 'me a khetha ba leshome le metso e 'meli har'a bona, a ba bitsa baapostola: ₁₄ke Simone, eo a mo reileng lebitso la Petrose, le Andrease ngoan'abo, le Jakobo, le Johanne, le Filipi, le Baretholome, ₁₅le Matheu, le Thomase, le Jakobo mor'a Alefiose, le Simone ea bitsoang Mochesehi, ₁₆le Juda mor'a Jakobo, le Judase Isekariota ea ileng a fetoha moeki.

₁₇Hoba a theohe le bona, a ema motsitseng, ho e-na le sehlopha se seholo sa barutuoa ba hae, le bongata-ngata ba sechaba se tsoang Judea eohle, le Jerusalema, le lebōpong la Tire le Sidone, ₁₈ba tlileng ho mo mamela le ho folisoa maloetseng a bona. Le ba neng ba tšoenngoa ke meea e litšila ba ne ba folisoa. ₁₉Letšoele lohle le ne le batla ho mo ama, hobane matla a ne a e-tsoa ho eena, 'me o ne a folisa bohle.

₂₀A phahamisetsa mahlo ho barutuoa ba hae, a re:

₂₃“Thabang letsatsing leo, le thenthetse, hobane bonang, moputso oa lōna o moholo leholimong; etsoe bontat'a bona ba entse baporofeta joalo.

₂₇“Empa 'na ke re ho lōna ba 'mametseng: Ratang lira tsa lōna, etsang ba le hloileng hantle, ₂₈hlohonolofatsang ba le rōhakang, 'me le rapelle ba le etsang hampe. ₂₉Ea u jabelang lerameng, u mo retelletse le lona le leng, 'me ea u amohang seaparo, u se ke ua mo hanela le ka kobo. ₃₀Fa e mong le e mong ea u kōpang, 'me ea nkang tsa hao, u se ke ua re a li khutlise. ₃₁Etsang batho kamoo le ratang hore ba le etse kateng.

₃₂“Haeba le rata ba le ratang, le ka lokeloa ke teboho efe? Esita le baetsalibe le bona ba rata ba ba ratang. ₃₃Haeba le etsa hantle ba le etsang hantle, le ka lokeloa ke teboho efe? Esita le baetsalibe ba etsa joalo. ₃₄Haeba le alima bao le lebeletseng hore ba le buseletse, le ka lokeloa ke teboho efe? Esita le baetsalibe ba alima baetsalibe, hore ba tle ba buseletsoe ho hokaalo. ₃₅Empa ratang lira tsa lōna, le li etse hantle, le alimane le sa lebelle ho buseletsoa letho. Moputso oa lōna o tla ba moholo, 'me le tla ba bana ba Ea Holimo-limo, hobane eena o molemo ho ba hlokang teboho le ho ba khopo. ₃₆E-bang le kutloelo-bohlōkō, joalokaha Ntat'a lōna a e-na le kutloelo-bohlōkō.

₃₇“Se ahlōleng ba bang, 'me ha le ka ke la ahlōloa; le se tsoe ba bang, 'me ha le ka ke la tsuoa. Tšoarelang, 'me le tla tšoareloa; ₃₈fanang, 'me le tla fuoa: mekotlaneng ea lōna le tla tšèlloa haholo, e hlohloe, e hlōkōhloe, e sasamale, hobane le tla lekanyetsoa ka tekanyo eo le lekanyang ka eona.”

₃₉A ba bolella le setšoantšo, a re: “Na sefofu se ka tsamaisa sefofu? Ana li ke ke tsa oela lengopeng bobeli ba tsona? ₄₀Morutuoa ha a moholo ho moruti oa hae; e mong le e mong ea rutehileng o tla ba joaloka moruti oa hae.

₄₁“U talimela'ng phatsa e ka leihlong la ngoan'eno, empa u sa lemohe sekoqo se ka leihlong la hao? ₄₂U ka re joang ho ngoan'eno: ‘Ngoan'eso, e-re ke ntše phatsa e ka leihlong la hao,’ uena u sa bone sekoqo se ka leihlong la hao? Moikaketsi, ntša sekoqo se ka leihlong la hao pele, 'me ke hona u tla bona hantle ho ntša phatsa e ka leihlong la ngoan'eno.

₄₃“Ha ho sefate se monate se behang litholoana tse mpe, leha e le sefate se sebe se behang litholoana tse monate. ₄₄Etsoe sefate se seng le se seng se tsejoa ka litholoana tsa sona, hobane ha ho khōloe lifeiee meutloeng, ebile ha ho khuoe morara hlabahlabaneng. ₄₅Motho ea molemo o ntša ho molemo letlotlong le molemo la pelo ea hae, 'me e mobe o ntša ho hobe letlotlong le lebe la pelo ea hae, hobane molomo oa hae o bua se tletseng ka pelong ea hae.

₄₆“Le mpitsetsa'ng ‘Morena, Morena,’ athe ha le etse tseo ke li bolelang? ₄₇Mang le mang ea tlang ho 'na, a utloa lipolelo tsa ka, a li phetha, ke tla le bontša hore na o tšoana le mang. ₄₈O tšoana le motho ea hahang ntlo, ea ileng a cheka, a tebisa, 'me a thea mothèo holim'a letlapa; eare sekhōhōla ha se fihla, nōka ea khahlela ntlo eo, 'me ea sitoa ho e sisinya, hobane e ne e hahiloe hantle. ₄₉Empa ea utloang, a sa phethe, o tšoana le motho ea hahileng ntlo holim'a mobu, e se na mothèo, eo nōka e ileng ea e khahlela, eaba e heleha hang-hang, 'me tšenyeho ea ntlo eo ea e-ba kholo.”