AMARHUBO 99

₁USomnini uyabusa,

izizwe azithuthumele.

Uhlezi phezu kwamakerubhi,

iphasi alidengezele.

₂USomnini mkhulu eZiyoni,

wengamele izizwe zoke.

₃Yeke, ibizo lakhe elesabekako

alidunyiswe zizizwe.

Mbala yena ucwengile!

₄Somnini onamandla, mthandi wobulungiswa,

wena wabeka ukuhleleka,

wenza ubulungiswa nokulunga kwaJakopo.

₅Phakamisani uSomnini uZimethu;

mlotjheni ebunabelweni beenyawo zakhe.

Mbala, yena ucwengile!

₆UMosi no-Aroni bebaphakathi kwabaphristi bakhe

noSamyela kilabo ababiza ibizo lakhe.

Nabalilela uSomnini wabezwa;

₇wakhuluma nabo asesikeni yelifu.

Bona balonda ubufakazi

neemiso abanikela zona.

₈Somnini, Zimethu, wabaphendula;

waba nguZimu ocolelako kibo,

nanyana wababetha ngezono zabo.

₉Phakamisani uSomnini uZimethu;

mlotjheni entabenakhe ecwengileko.

Mbala, uSomnini uZimethu ucwengile!