AMARHUBO 124

Nangabe uSomnini bekangekho ngakithi

– u-Israyeli akatjho lokhu –

₂iye, nangabe uSomnini bekangekho ngakithi

lokha abantu nabajamelana nathi,

₃bebazasiginya siphila,

lokha ilaka labo nalivutha ngathi.

₄Iinkhukhula bezizosithanyelela kude,

iinrhurhula ngabe zisigubuzesile;

₅iye, amanzi arhageleko

ngabe sele asigubuzesile.

₆USomnini akadunyiswe

ngombana akhange asinikelele

njengongazimbi emazinywenabo.

₇Siphunyuke njengenyoni

ephuma esithiyweni sabathiyi:

Isithiyo sonakele, thina saphunyuka!

₈Isizo lethu lisebizweni lakaSomnini

owenze izulu nephasi.