UJONA 2

₂“Emahlungwinami ngalilela uSomnini,

yeke wangiphendula.

Phakathi kokufa ngarhuwelela ngifuna isizo,

yeke watjheja isililo sami.

₃Wangijikijela emajukujukwini,

phakathi ekuzikeni kwamalwandle;

umsele wangizombeleza,

amagagasi angigubuzesa.

₄Ngathi, ‘Ngiqotjhiwe ebusweni bakho,

kodwana ngaqalelela godu ithempela

lakho elicwengileko.’

₅Amanzi apheze angikghama,

ukuzika kwangizombeleza,

ikhula lelwandle lararela ihlokwami.

₆Ngatjhinga phasi esidindini seentaba,

iphasi langivalela ngaphakathi kwalo ingunaphakade.

Kodwana wena Somnini Zimami,

wakhuphula ipilwami emgodini.

₇Lokha ummoyami nawuphelelwa mamandla,

ngakhumbula uSomnini.

Umthandazwami wakhuphukela kuwe,

wafikelela ethempelini lakho elicwengileko.

₈Labo abathembela kibosingazimu abanganabubhadekelo,

baphunyurhwa ngoThembekileko kibo.

₉Kodwana mina ngizokuletha umhlatjelo kuwe,

ngikubabaze ngesihlabelelo sokudumisa.

Engikufungeleko ngizakuphumelelisa,

isindiso ivela kuSomnini.”