UJOBHO 23

₂“Ilanga loke isinghonghoyilo sami simunyu,

nanyana ngibubula, isandla sakaZimu sinzima phezu kwami.

₃Nangathana bengazi bonyana ngingamfunyanaphi,

bengizakuya ebandla alilungiseleleko.

₄Bengizakwendlala indabami phambi kwakhe,

umlomami bewuzakuzala amezwi wokuzivikela.

₅Bengizakufumana kobana ubezangiphendula njani;

iye, bengizakwazi lokho agade azokutjho kimi.

₆Ubezakujamelana nami ngamandla amakhulu na?

Awa, gade azongitjheja yena ngokwakhe.

₇Ebandlapho olungileko ubezakubeka indabakhe phambi kwakhe,

iye, ngirarulule indabami isiphelani.

₈Kodwana nangiya epumalanga,

yena akakho lapho,

nangiya etjingalanga, angimtholi.

₉Emsebenzinakhe ngetlhagwini, angimboni,

najikela ngesewula, angimboni nakancani.

₁₀“Nabe angayelela iindlela zami,

nabe angangizizinya, bengizakuphuma nginjengegolide.

₁₁Iinyawo zami zinamathele iinthende zakhe,

ngihlezi endlelenakhe ngangaphambuka.

₁₂Azange ngisuke emiyalweni yomlomakhe,

amezwakhe ngawafihla esifubeni sami.

₁₃Kodwana yena ufana yedwa.

Ngubani ongamtjhugulula?

Wenza lokho akuthandako.

₁₄Ufeza akuqunte ngami,

ngaleyondlela uneminqopho enjalo ngabanengi.

₁₅Kungalokho ngiyathuthumela phambi kwakhe.

Nangicabanga ngakho koke lokhu, ngifikelwa livalo.

₁₆UZimu unyamise ihliziywami,

oSabekako ungithuthumelisile.

₁₇Mbala angikathuliswa bumnyama,

namkha ubujamo obunzima engikibo.