PSALME ya 26

₁Morena, nkahlolele, gobane ke swere ka tsela ke ila bosodi; ke botile wena Morena, ka se ke ka thiša.

₂Morena, nnyakorele o mphetleke; lekola dipshio tša ka le pelo ya ka.

₃Gobane ke itebanya le botho bja gago; ke itshepeletše therešong ya gago.

₄Ga ka dula le batho ba maaka; ga nka ka ya le ba bomenetša.

₅Ke hloile pitšo ya ba babe; ga ke dule le bakgopo.

₆Ke hlapa diatla ka go ila bobe, ka tseba go batamela aletare ya gago, Morena.

₇Ka kgona go kwatša lentšu la go leboga, ka anegela batho mehlolo ya gago ka moka.

₈Morena, ke rata maago a Ngwako wa gago le felo mo go dutšego letago la gago.

₉O se ke wa ola moya wa ka gotee le badiradibe, le ge e le bophelo bja ka gotee le bana ba madi,

₁₀bao diatla tša bona di nago le bohlola, le matsogo a bona a tlala ka mphompe.

₁₁Ge e le nna ke nama ke ila bosodi. Mphološe o ntire ka botho.

₁₂A dinao tša ka di eme molaleng; ke go rete, Morena, ke le mo diphuthegong.