JESAYA 12

₁Mehleng yeo o tlo bolela wa re: Morena, ke a go leboga, ka gobane mola ke sa go befetše, bogale bja gago bja phohla, wa ba wa nkhomotša. ₂Ka kgonthe, Mophološi wa ka ke Modimo; bjale ke a holofela, ga ke sa boifa; gobane maatla a ka le sefela sa ka ke yena Morena. Ke yena a mphološitšego. ₃Meetse a sediba sa phološo le tlo a ga le thabile.

₄Mehleng yeo le tlo re: Lebogang Morena! Bolang leina la gagwe! Tiro tša gagwe, le di begele ditšhaba; le di lemoše bogolo bja ina la gagwe. ₅Hlabang sefela sa matete a a dirilwego ke Morena, matete a go re a tsebje mafaseng ka moka. ₆Me lena baagi ba Tsione, hlalalang gobane Mokgethwa wa Isiraele a nago le lena, ke e mogolo.