ISAHLUKO 16

₁NANGO uFebe, umzalwanekazi wetu, o izikonzi sebandhla la seKenkrea.

₂Ni m amkele eNkosini ngokufanele abangcwele; ni m size ngako konke a ku funayo kini; ngokuba u ba sizile abaningi, nami uqobo.

₃Ni ngi konzele koPrisila noAkwila, izisebenzi kanye nami kuKristu Jesu;

₄Ngenxa yokupila kwami ba zi beka izintamo zabo; engi nga ba bongi mina ngedwa, kepa be bongwa amabandhla onke ezizwe.

₅Ngi ngi konzele na sebandhleni eli sekaya labo. Ni ngi konzele kuEpenetu, isitandwa sami, o ngulibo lwa seAkaya kuKristu.

₆Ni ngi konzele kuMaria, o be si sebenzela kakulu.

₇Ni ngi konzele koAndroniko noJunia, izihlobo zami, izibotywa kanye nami, abadumileyo kubapostoli, ba be kuKristu ngapambili kwami.

₈Ni ngi konzele kuAmplia, isitandwa sami eNkosini.

₉Ni ngi konzele kuUrbane, isisebenzi kanye nati kuKristu, na kuStaku, isitandwa sami.

₁₀Ni ngi konzele kuApele, o qinisekileyo kuKristu. Ni ngi konzele kwabaka Aristobulo.

₁₁Ni ngi konzele kuHerodiana, isihlobo sami. Ni ngi konzele kwabaka Narkiso, aba seNkosini.

₁₂Ni ngi konzele koTrufena noTrufosa, aba sebenza eNkosini. Ni ngi konzele kuPersi otandekayo, o wa sebenza kakulu eNkosini.

₁₃Ni ngi konzele kuRufo, oketiweyo eNkosini; na kuye unina wake nowami.

₁₄Ni ngi konzele koAsinkrita, noFlegone, noHerma, noPatroba, noHerme, nabazalwane aba nabo.

₁₅Ni ngi konzele koFilologo, noJulia, uNero nodade wabo, noOlimpa, nabangcwele bonke aba nabo.

₁₆No konzelana ngokwangana okungcwele, A ya konza kini amabandhla ka Kristu.

₁₇Ngi ya ni yala, bazalwane, ukuba ni qapele abaxabanisayo, nabakubekisayo, be pambene nokufundiswa, eni ku fundileyo, ni dede kubo.

₁₈Ngokuba abanjalo a ba i konzi iNkosi yetu uKristu, ba konza isisu sabo; ngokushumayela okuhle na ngokubonga, bedusa izinhliziyo za ba nge nacala laluto.

₁₉Ukulalela kwenu ku zwakele kubantu bonke. Njalo ngi ya tokoza ngani. Kepa ngi tanda ukuba ni hlakanipe ngokuhle, ni nga bi nacala ngokubi.

₂₀uTixo wokutula u ya kumcoboza uSatani pansi kwezinyawo zenu masinyane. Umusa weNkosi yetu uJesu Kristu a u be nani. Ameni.

₂₁U ya konza kini uTimote, isisibenzi kanye nami, noLukio, noJasone, noSosipatere, izihlobo zami.

₂₂Mina Tertio, engi lobile lencwadi, ngi ya konza kini eNkosini.

₂₃U ya konza kini uGayo, o ngi ngenisayo, mina nebandhla lonke. U ya konza kini uErasto, induna yomuzi, noKwarto umzalwane.

₂₄[Umusa weNkosi yetu uJesu Kristu, a u be nani nonke. Ameni.]

₂₅Kuyena o namandhla okuniqinisa ngokwevangeli lami, nokushumayela kuka Jesu Kristu, ngokwambulwa kwemfihlakalo, e bi fihliwe iloku kwa dabuka izwe,

₂₆Kepa manje i bonakaliswe ngemibalo yabaprofeti ngokuyala kuka Tixo o pakade, ya menyezelwa ezizweni zonke, ku be ukulalela oku ngokukolwa.

₂₇KuTixo owaziyo yedwa, a ku be udumiso ngoJesu Kristu, ku ze ku be pakade. Ameni.