IZIHLABELELO 119

₁BA ya busiswa abaqoto endhleleni; a ba hamba emitetweni ka Jehova.

₂Ba ya busiswa bona aba gcina izimemezelo zake; a ba m funa ngenhliziyo yonke.

₃A ba sebenzi ukonakalisa; ba ya hamba ezindhleleni zake.

₄Wena u si yalezile ukugcina kakulu imiyalo yako.

₅Ku nga zi nga qiniswa izindhlela zami uku gcina izimiso zako!

₆Loku a ngi yi kujaba nxa ngi qapela kuzo zonke iziyalezelo zako.

₇Ngo ku bonga ngobuqoto benhliziyo, loku ngi ya kuba se ngi fundile izahlulelo zako ezilungileyo.

₈Ngo londa izimiso zako; ma u nga ngi shiyi impela.

₉Omutya a nga hlanza kanjani ukuhamba kwake na? ngokuqapela okwezwi lako.

₁₀Ngi ku funile ngenhliziyo yonke yami; ma ngi nga pambuki eziyalezelweni zako.

₁₁Izwi lako ngi li fihlile enhliziyweni yami, ngi nga ze ngi kone.

₁₂Ma u bongwe wena Jehova; ngi fundise izimiso zako.

₁₃Ngi shumayele izahlulelo zonke zomlomo wako ngezindebe zami.

₁₄Ngetabile endhleleni yezimemezelo zako; njengasengcebweni yonke.

₁₅Ngo zindhla imiyalo yako; ngi qapele imikondo yako.

₁₆Ngi ya kutokoza ezimisweni zako; a ngi yi kukohlwa izwi lako.

₁₇Yenzela inceku yako okuhle, ngi ze ngi pile, ngi londe izwi lako.

₁₈Vula amehlo ami, ngi bone okumangalisayo oku vela emtetweni wako.

₁₉Ngi ngumfokazi emhlabeni; ma u nga ngi fihleli iziyalezelo zako.

₂₀Umpefumlo wami wapukile ngokunxanela izahlulelo zako, ngezikati zonke.

₂₁Wena u tetisile abazidhlayo, abatukiweyo, aba cezuka eziyalezweni zako.

₂₂Susa pezu kwami ukujaba nokudelwa; ngokuba ngi gcinile izimemezelo zako.

₂₃Izikulu za hlala za kulumisana ngami; kepa inceku yako ya zindhla izimiso zako.

₂₄Izimemezelo zako zi ukwetabisa kwami, zi ngamadoda a ngi qondisayo.

₂₅Umpefumlo wami u ya namatela otulini; ngi pilise ngokwezwi lako.

₂₆Nga bika izindhlela zami, wena wa ngi lalela; ma u ngi fundise izimiso zako.

₂₇Ngi qondise indhlela yemiyalo yako; ngi ya kuzindhla ngemimangaliso yako.

₂₈Umpefumlo wami u ya kala ngokudabuka, ngi lulamise ngokwezwi lako.

₂₉Dedisa kimi indhlela yamanga; u ngi nike ngomusa umteto wako.

₃₀Ngi ketile indhlela yeqiniso; ngi banibile izahlulelo zako.

₃₁Ngi namatele ezimemezelweni zako; Jehova, u nga ngi jabisi.

₃₂Ngo gijima endhleleni yeziyalezelo zako, yenza i be banzi inhliziyo yami.

₃₃Jehova ngi fundise indhlela yezimiso zako, ngo yi gcina kahle ku ze ku be sekupeleni.

₃₄Ma u ngazisise, lapo ngo gcina umteto wako; ngo wu londa isibili ngenhliziyo yonke yami.

₃₅Ngi hambise emkondweni weziyalezelo zako; ngokuba ngi ya jabula kuwo.

₃₆Bhekisa inhliziyo yami ezimemezelweni zako, i nga bheki ekupangeni.

₃₇Pendula amehlo ami a nga boni ize; u ngi pilise endhleleni.

₃₈Ma u misele inceku yako izwi lako e yesaba wena.

₃₉Dhlulisa ukujeziswa kwami e ngi kwesabayo; ngokuba izahlulelo zako zi lungile.

₄₀Bheka ngi ya fisa imiyalo yako; ngi pilise ekulungeni kwako.

₄₁Ma u ze kimi umusa wako, Jehova; nokusindisa kwako ngokwezwi lako.

₄₂Ko ti ngi m pendule o ngi jezisayo ngoto; ngokuba be ngi temba ezwini lako.

₄₃Ma u nga susi impela izwi leqiniso emlonyeni wami; ngokuba be ngi temba ezahlulelweni zako.

₄₄Ko ti ngi londe umteto wako njalo ku ze ku be pakade na ngezikati.

₄₅Ngo hamba ebubanzini; ngokuba ngi ya funda imiyalo yako.

₄₆Ngi ya kushumayela ngezimemezelo zako pambi kwamakosi, ngi nga bi namahloni.

₄₇Mina ngo jabula eziyalezelweni zako, e ngi zi tandileyo.

₄₈Ngo pakamisa izandhla zami eziyalezelweni zako; e ngi zi tandileyo; ngi zindhle imiyalo yako.

₄₉Kumbula izwi lako encekwini yako, o wa ngi tembisa ngalo.

₅₀I lesi isiduduzo sami ekuhlupekeni kwami; ngokuba izwi lako li ngi pilisile.

₅₁Abazidhlayo ba ngi hlekile kakulu; kepa a ngi cezukanga emtwetweni wako.

₅₂Be ngi kumbula izahlulelo zako zamandulo, Jehova; ngi zi duduzile futi.

₅₃Ukuvuta kolaka ku ngi bambile ngenxa yababi aba shiyayo umteto wako.

₅₄Izimiso zako za zi isihlabelelo sami endhlini yokuhlala kwami.

₅₅Be ngi kumbula igama lako, Jehova, ebusuku, futi ngi gcinile umteto wako.

₅₆Nga ba naku loku, ngokuba nga gcina imiyalo yako.

₅₇Wena u ifa lami, Jehova, be ngi ti, ngo londa izwi lako.

₅₈Be ngi ncenga ubuso bako ngenhliziyo yonke yami; ngi haukele ngokwezwi lako.

₅₉Nga zindhla ngezindhlela zami, nga pendulela izinyawo zami ezimemezelweni zako.

₆₀Nga tyetya, a nga libala ukulonda iziyalezelo zako.

₆₁Izitiyo zababi zi ngi haqile; kepa a ngi kohlwa umteto wako.

₆₂Ngo vuka pakati kobusuku uku ku bonga; ngenxa yezahlulo zako ezilungileyo.

₆₃Ngi ngumgane wabo bonke a ba kwesabayo, nabo abalondi bemiyalo yako.

₆₄Umhlaba u gcwele umusa wako, Jehova; ngi fundise izimiso zako.

₆₅Wenzele inceku yako okuhle, Jehova, ngokwezwi lako.

₆₆Ngi fundise ukuqonda okulungileyo, nokwazi; ngokuba ngetemba eziyalezelweni zako.

₆₇Ngi nga ka totyiswa ngeduka; kepa manje se ngi londa izwi lako.

₆₈Wena u lungile, wenza okulungileyo; ngi fundise izimiso zako.

₆₉Abazidhlayo ba qambile amanga ngami; kepa mina ngo gcina imiyalo yako ngenhliziyo yonke.

₇₀Inhliziyo yabo i nonile njengamafuta; kepa ngi jabula ngomteto wako.

₇₁Ku ngi lungele ukuhlutywa; ngi ze ngi funde izimemezelo zako.

₇₂Umteto womlomo wako u ngi lungele ku nezinkulungwane zegolide nesiliva.

₇₃Izandhla zako zi ngenzile zi ngi dalile; ngi qondise ngi ze ngi funde iziyalezelo zako.

₇₄Abakwesabayo ba ya kungibona ba jabule; ngokuba ngetemba ezwini lako.

₇₅Ngi yazi, Jehova, ukuba izahlulelo zako zi lungile; u ngi hlupile ngokukoleka.

₇₆Umusa wako manje ma u be isiduduzo sami, njengezwi lako encekwini yako.

₇₇Ububele bako ma bu ze kimi, ngi ze ngi pile; ngokuba umteto wako u intokoziso yami.

₇₈Abazidhlayo ma ba jabe; ngokuba ba ngi pambukisa ngeze; kepa mina ngo zindhla ngemiyalo yako.

₇₉Abakwesabayo ma ba buyele kuwe, uabazi imiyalo yako.

₈₀Inhliziyo yami ma i be nobuqoto ezimisweni zako; ukuze ngi nga jabi.

₈₁Umpefumlo wami u ya pela ngokuswela ukusindisa kwako; kepa ngetemba ezwini lako.

₈₂Amehlo ami a ya pela ngokuswela izwi lako, a ti, u ya kungitokozisa nini na?

₈₃Ngokuba ngi njengegaba emusini; kepa a ngi kohlwa izimiso zako.

₈₄Izinsuku zenceku yako zi ngapi na? u ya kuba hlulela nini aba ngi zingelayo na?

₈₅Abazidhlayo ba ngi m bele imigodi, e nge siyo e yomteto wako.

₈₆Iziyalezelo zako zonke zi ukukoleka; ngi size ba ya ngi zingela ngi nge nacala.

₈₇Ba cityu uku ngi qeda emhlabeni; kepa a ngi shiyanga imiyalo yako.

₈₈Ngi pilise ngokomusa wako; ngi ya kulonda izimemezelo zomlomo wako.

₈₉Ku ngunapakade, Jehova, izwi lako li mi ezulwini.

₉₀Ukukoleka kwako ku sezizukulwane nezizukulwane; wena u misile umhlaba, u mi.

₉₁Ku se mi na namhla ngokwezimiso zako; ngokuba konke ku izinceku zako.

₉₂Uma umteto wako u be u nge siyo intokozo yami, nga ngi bubile ekuhlupekeni kwami.

₉₃A ngi yi kukohlwa imiyalo yako napakade; ngokuba u ngi pilisile ngayo.

₉₄Ngi ngowako, ngi sindise; ngokuba ngi ya yi funa imiyalo yako.

₉₅Ababi ba hlalele uku ngi bubisa, kepa ngi ya kuqonda izimemezelo zako.

₉₆Ngi bonile ukugcina kokupelela konke; isiyalezelo sako si banzi kakulu.

₉₇Ngi wu tanda umteto wako kangaka! wona u ukuzindhla kwami usuku lonke.

₉₈Wena u ngi hlakanipisile ngeziyalezelo zako ku nezita zami; ngokuba ku se kona kimi pakade.

₉₉Ngi hlakanipile ku nabafundisi bonke bami; ngokuba izimemezelo zako zi ukuzindhla kwami.

₁₀₀Ngi qondile ku nabadala, ngokuba ngi londa imiyalo yako.

₁₀₁Ngi zi vimbele izinyawo zami kuzo zonke izindhlela ezimbi, ngi ze ngi londe izwi lako.

₁₀₂A ngi dedanga ezahlulweni zako; ngokuba wena u ngi fundisile.

₁₀₃Amnandi kangaka amazwi ako ekuzweni kwami! amnandi nga pezu kwezinyosi emlonyeni wami!

₁₀₄Ngi ya kuzuza ukuqonda ngemiyalo yako; ngako ngi ya zonda izindhlela zonke zamanga.

₁₀₅Izwi lako li isibani ezinyaweni zami, nenkanyiso endhleni yami.

₁₀₆Ngi fungile, ngi ya kuqinisa ukulonda izahlulelo zako ezilungileyo.

₁₀₇Ngi hlupekile kakulu; ngi pilise, Jehova, ngokwezwi lako.

₁₀₈Yamkela manje, Jehova, isipo somlomo wami, u ngi fundise izahlulelo zako.

₁₀₉Umpefumlo wami u sesandhleni sami njalo; noko a ngi kohlwa umteto wako.

₁₁₀Ababi ba ngi bekele isihibe; noko a ngedukanga emiyalweni yako.

₁₁₁Ngi dhlile ifa lezimemezelo zako njalo; ngokuba zi injabuliso yenhliziyo yami.

₁₁₂Ngi bekisisile inhliziyo yami ukwenza iziyalezelo zako njalo, ku ze ku be sekupeleni.

₁₁₃Ngi ya ba zonda abanhliziyombili; kepa ngi ya tanda umteto wako.

₁₁₄Wena u yisipepelo sami nesihlangu sami; ngetemba ezwini lako.

₁₁₅Dedani kimi nina abenza okubi; ngokuba ngo londa iziyalezelo zika Tixo wami.

₁₁₆Ngi pase ngokwezwi lako, ngi pile; ma ngi nga jabi ngetemba lami.

₁₁₇Ngi qinise, ngi ya kusindiswa; ngo bheka ezimisweni zako njalo.

₁₁₈Wena weyisa bonke aba pambuka ezimisweni zako; ngokuba inkohliso yabo i ngamanga.

₁₁₉U ya susa ababi bonke bomhlaba njengamanyela, ngako ngi ya tanda izimemezelo zako.

₁₂₀Inyama yami i ya tutumela ngokwetuka wena; futi ngi ya zesaba nezahlulelo zako.

₁₂₁Ngenze ukwahlula nokulunga; u nga ngi shiyi kubo abahlupi bami.

₁₂₂Ma u mele inceku yako ngokuhle; abazidhlayo ma ba nga ngi hlupi.

₁₂₃Amehlo ami a ya pela ngokuswela ukusindisa kwako, nezwi lako elilungileyo.

₁₂₄Yenza encekwini yako ngomusa wako; u ngi fundise iziyalezelo zako.

₁₂₅Mina ngi inceku yako; ngi qondise, ngi zazi izimemezelo zako.

₁₂₆Se ku isikati sokwenza, Jehova; ngokuba ba wapulile umteto wako.

₁₂₇Ngako ngi tande iziyalezelo zako nga pezu kwegolide; na nga pezu kwegolide eliketiweyo.

₁₂₈Ngako ngi ya vuma ukuba imiyalo yonke yako i lungile ngako konke; ngi ya zonda imikondo yonke yamanga.

₁₂₉Izimemezelo zako zi ya mangalisa; ngako umpefumlo wami u ya zi londa.

₁₃₀Ukupenya kwezwi lako ku ya kanyisa; ku qondisa abantulayo.

₁₃₁Nga kamisa umlomo wami, nga kefuzela; ngokuba nga nxanela iziyalezelo zako.

₁₃₂Bheka kimi, u ngi haukele njengokomkuba wabatanda igama lako.

₁₃₃Qondisa ukunyatela kwami ezwini lako; ma bu nga ngi busi ububi nobu bodwa.

₁₃₄Ngi kulule ekuhlupeni kwabantu; njalo ngo gcina imiyalo yako.

₁₃₅Kanyisa ubuso bako encekwini yako; u ngi fundise izimiso zako.

₁₃₆Imifula yamanzi i yehla emehlweni ami ngokuba a ba gcini umteto wako.

₁₃₇U lungile wena, Jehova, nezahlulelo zako zi qondile.

₁₃₈Izimemezelo zako o zi yalezileyo zi lungile zi qinisile kakulu.

₁₃₉Ukuvuta kolaka lwami ku ngi qedile, ngokuba izita zami zi kohliwe amazwi ako.

₁₄₀Izwi lako li hlanzekile kakulu, ngako inceku yako i ya li tanda.

₁₄₁Mina ngi mncane ngi deliwe; noko a ngi kohlwa imiyalo yako.

₁₄₂Ukulunga kwako ku ukulunga oku ngunapakade; umteto wako u yiqiniso.

₁₄₃Ukucinga nokuhlupeka ku ngi fumene; kepa iziyalezelo zako zi yizinjabuliso zami.

₁₄₄Ukulunga kwezimemezelo zako ku ngunapakade; ngi qondise, ngi pile.

₁₄₅Se loku nga kala ngenhliziyo yonke; ngi zwe, Jehova; ngi ya kugcina izimiso zako.

₁₄₆Nga ku kalela; ngi sindise, ngi ya kulonda izimemezelo zako.

₁₄₇Ngandulela uvivi lokusa, nga kala, be ngi temba ezwini lako.

₁₄₈Amehlo ami a ya qalela imilindo yobusuku ukuzindhla ezwini lako.

₁₄₉Yizwa izwi lami ngokomusa wako; Jehova, ngi haukele ngokwahlulela kwako.

₁₅₀Ba ya sondela aba landela ukonakalisa; ba kude nomteto wako.

₁₅₁Wena u seduze, Jehova; futi zonke iziyalezelo zako zi iqiniso.

₁₅₂Ngi be ngi zazi na sendulo izimemezelo zako, ukuba u zi sekele zi hlale pakade.

₁₅₃Bona ukukatazeka kwami, u ngi sindise; ngokuba a ngi kohlwa umteto wako.

₁₅₄Pikisa okupikisana nami, u ngi kulule; ngi pilise ezwini lako.

₁₅₅Ukusindiswa ku kude nababi; ngokuba a ba funi izimemezelo zako.

₁₅₆Ububele bako bu ningi, Jehova; ngi pilise ngokwezahlulo zako.

₁₅₇Ba ningi aba ngi hlupayo nezita zami; kepa a ngi suki eziyalezweni zako.

₁₅₈Nga bona abakohlisayo, nga nengwa; ngokuba a ba londanga izwi lako.

₁₅₉Bheka ngi ya yi tanda imiyalo yako; Jehova, ma u ngi pilise ngokomusa wako.

₁₆₀Isisusa sezwi lako si iqiniso; futi zonke izahlulelo zako ezilungileyo zi hlezi ku ze ku be pakade.

₁₆₁Izikulu zi ngi zingele ngi nge nacala; kepa inhliziyo yami i yesaba ngezwi lako.

₁₆₂Ngi jabula ngezwi lako, njengofumene impango eningi.

₁₆₃Ngi ya zonda ngi nengwa amanga; kepa ngi ya tanda umteto wako.

₁₆₄Ngi ya kudumisa kakombisa ngosuku ngenxa yezahlulelo zako zokulunga kwako.

₁₆₅Ba nokutula okukulu abatandi bomteto wako; akuko isikubekiso kubona.

₁₆₆Jehova, be ngi temba ekusindiseni kwako; ngenze iziyalezelo zako.

₁₆₇Umpefumlo wami u londile izimemezelo zako; ngi ya zi tanda kakulu.

₁₆₈Ngi gcinile imiyalo yako nezimemezelo zako; ngokuba izindhlela zonke zami zi pambi kwako.

₁₆₉Ukukala kwami ma ku sondele ebusweni bako, Jehova; ngi qondise ngokwezwi lako.

₁₇₀Ukuncenga kwami ma ku ze ebusweni bako; ngi sindise ngokwezwi lako.

₁₇₁Izindebe zami zo tele isibongo, loku u ngi fundisile izimiso zako.

₁₇₂Ulimi lwami lo kuluma izwi lako; ngokuba iziyalezelo zako zonke zi ukulunga.

₁₇₃Isandhla sako sokunene ma si be ukusiza kwami ngokuba ngi ketile imiyalo yako.

₁₇₄Be ngi nxanele ukusindisa kwako Jehova; nomteto wako u injabuliso yami.

₁₇₅Umpefumlo wami ma u pile, u ya ku ku bonga; izahlulo zako ma zi ngi size.

₁₇₆Ngeduka njengemvu elahlekileyo; funa inceku yako; ngokuba a ngi kohlwa iziyalezelo zako.