ISAHLUKO 14

₁UMFAZI ohlakanipileyo u yaka indhlu yake, kanti o isiula u ya yi cita ngezandhla zake.

₂O hamba ngobuqoto bake u ya m esaba uJehova, kanti o pambene ngezindhlela zake, u ya m dela.

₃Emlonyeni wesiula i kona intonga yokuzidhla, kanti izindebe zabahlakanipileyo zo ba gcina.

₄Nxa kungeko izinkomo, isibaya si ze, kanti ku kona inzuzo enkulu ngamandhla enkabi.

₅Ufakazi weqiniso a ka yi ku qamba manga; kanti ufakazi ongaqinisile wo pimisa amanga.

₆O hlekayo u ya funisisa ukuhlakanipa, kepa a kuko kuye; kanti ukwazi ku lula koqondayo.

₇Deda kumuntu o isiula, nxa u nga boni kuye izindebe zokwazi.

₈Ukuhlakanipa koqapelayo ku ngukuqonda indhlela yake; kanti ubuula beziula bu yinkohliso.

₉Umnikelo wesono u ya hlekisa iziula; kanti pakati kwabalungileyo ku kona ukwamkelwa kahle.

₁₀Inhliziyo i ya kwazi ukubaba kwayo; kanti umfokazi a nge patane nenjabulo yayo.

₁₁Indhlu yababi i ya kucitwa; kanti itente labalungileyo li zo hluma.

₁₂I kona indhlela elungileyo ebusweni bomuntu, kepa ukukaula kwayo ku yizindhlela zokufa.

₁₃Na sekwenameni inhliziyo i nobuhlungu; futi ukupela kwenjabulo ku lusizi.

₁₄O pambuka enhliziyweni wo suta ngezindhlela zake; kanti olungileyo u kude naye.

₁₅Isipukupuku si ya kolwa kuwo onke amazwi; kanti ohlakanipileyo wo qonda imihambo yake.

₁₆O hlakanipileyo u yesaba, u deda kuko okubi; kanti isiula si ya zikulisa, si nge nakukatala.

₁₇O tukutela masinya u yenza ubuula; futi umuntu wamacebo wo zondwa.

₁₈Abangahlakanipileyo ba li dhla ifa lobuula, kanti abahlakanipileyo ba hlobisiwe ngokwazi.

₁₉Ababi ba toba pansi ebusweni babalungileyo; nabashingayo ngasemasangweni oqoto.

₂₀Ompofu u ya zondwa na ngowakelene naye; kanti abatandi bocebileyo baningi.

₂₁O dela owakelene naye u yona; kanti o haukela abahlupekayo u busisiwe.

₂₂A ba yi kweduka yini aba qamba okubi? kanti umusa neqiniso ku kubo aba qamba okulungileyo.

₂₃Emsebenzini wonke i kona inzuzo; kepake inkulumo yezindebe i banga ubumpofu.

₂₄Umqele wabaqondileyo u ubucebi babo; kepake ubuula beziula bu ubuula nje.

₂₅Ufakazi o qinisileyo u ya sindisa imipefumlo; kodwa o namanga u pimisela amacebo.

₂₆Ngokumesaba uJehova ku kona itemba eliqinileyo; nabantwana bake bo ba nendawo yokupepela.

₂₇Ukumesaba uJehova ku ngumtombo wokupila, ukuze ku mukwe ezihibeni zokufa.

₂₈Ngobuningi babantu lu kona udumo lwenkosi, kepake ukuciteka kwenkosi ku nguku ba swela abantu.

₂₉O puza ukutukutela u ya qonda kodwa o tyetya ukuvuka, u ya pakamisa ubuula.

₃₀Inhliziyo etulisayo i ubomi benyama yake; kepake umona u ukubola kwamatambo.

₃₁O hlupa ompofu u ya m delela umenzi wake; kodwa yena o m dumisayo, u ya m haukela umdingi.

₃₂Onakalisayo u ya xotywa ekonakaleni kwake; kodwa o qoto u netemba ekufeni kwake.

₃₃Ukwazi ku sa hlezi enhliziyweni yake o nokuqonda; kepake ku ya kwaziwa loko okupakati kweziula.

₃₄Ukulunga ku ya li pakamisa isizwe; kodwa ukona ku yihlazo kubantu bonke.

₃₅Umusa wenkosi u kuyo inceku e qondayo; kodwa ulaka lwayo lu ya ku ba kuye o hlazisayo.