ISAHLUKO 6

₁WA tike uSolomona, uJehova u tyilo ukuba u ya kuhlala ebumyameni obukulu.

₂Kodwa mina ngi yakile indhlu yokuhlala wena, nendawo yokuba u hlale njalo njalo.

₃Nenkosi ya pendula ubuso bayo, ya busisa sonke isixuku sakwa Israeli, nabo bonke bema ngezinyawo.

₄Wa ti, ma ka busiswe uJehova uTixo ka Israeli, o se kwenzile ngezandhla zake loko a ku kuluma ngomlomo wake kuDavida ubaba, eti,

₅I loku nga kipa abantu bami ezweni lasEgipite, a ngi ketanga muzi kuzo zonke izizwe zakwaIsraeli ukwaka indhlu kona, ukuba li be lapo igama lami; a ngi ketanga muntu futi ukuba a buse abantu bami abaIsraeli.

₆Kodwa ngi ketile iJerusalema, ukuba li be lapo igama lami; nga keta uDavida a be pezu kwabantu bami abaIsraeli.

₇Kwa ku kona enhliziyweni ka Davida ubaba, ukumakela uJehova uTixo ka Israeli indhlu.

₈Kodwa uJehova wa ti kuDavida ubaba, Ngokuba kwa ku kona enhliziyweni yako ukulakela igama lami indhlu, wenza kahle ngokuba kwa ku senhliziyweni yako;

₉Kodwa a ku i ku yaka indhlu wena; kodwa indhlu yegama lami i ya kwakiwa indodana yako e puma okalweni lwako.

₁₀uJehova u li fezileke izwi a li kulumileyo; mina ngi vukile endaweni ka Davida ubaba, ngi bekiwe pezu kwesihlalo sobukosi sika Israeli, njengokuqinisa kuka Jehova, ngi yakile futi indhlu yegama lika Jehova uTixo ka Israeli.

₁₁Nompongolo ngi wu bekile pakati, kwayo, o pete isivumelwano sika Jehova, a senzileyo nabantwana baka Israeli.

₁₂Wema ngapambi kwelati lika Jehova, e bukwa isixuku sonke sakwa Israeli, welula izandhla zake;

₁₃uSolomona wa e yenzile indawo yokuma ngetusi, ubude bu ngamakubiti a isihlanu, nobubanzi futi, nokupakama ku ngamakubiti amatatu, wa i beka ngapakati kwendhlu, wema kuyo, wa guqa ngamadolo ngapambi kwaso sonke isixuku sa kwaIsraeli, welula izandhla zake ngasezulwini.

₁₄Wa ti, O Jehova Tixo ka Israeli, ka i ko inkosi e njengawe, ezulwini nasemhlabeni; e londayo isivumelwano, nomusa ezincekwini zayo, ezi hamba ngapambi kwako ngezinhliziyo zonke zazo;

₁₅Wena o ku londileyo loko o wa ku qinisela inceku yako uDavida ubaba; u kuluma ngomlomo wako, u gcwalisa ngesako isandhla, njenga loku ku njalo namuhla.

₁₆Manjeke O Jehova Tixo ka Israeli, a ku be njalo loko o wa ku qinisela uDavida ubaba, u ti, A ka yi ku puta umuntu emehlweni ami o ya ku hlala esihlalweni sobukosi buka Israeli, ba qondeke abantwana bako, ukuhamba ngendhlela yomteto wami, njengokuhamba kwako ngapambi kwami;

₁₇Manjeke O Jehova Tixo ka Israeli, ma li qiniseke izwi lako, o li kulumileyo kuyo inceku yako uDavida.

₁₈Kodwa uTixo u ya kuhlala nempela nabantu emhlabeni na? bheka, izulu nezulu lamazulu li nge kwanele wena, kakulu kanjanike lendhlwana e ngi yakileyo na?

₁₉Lalelake umtandazo wenceku yako, nokucela kwake, o Jehova Tixo wami, uku lalela ukukala, nomtandazo wenceku yako ngapambi kwako;

₂₀Ukuba amehlo ako a vuleke pezu kwa lendhlu emini nasebusuku, kuyo indawo o tyileyo ukuba u ya kubeka igama lako kona; uku wu lalela umtandazo wenceku yako ngayo lendawo.

₂₁Yizwake ukucela kwenceku yako, nabantwana bako abaIsraeli, ngokukalela kwabo lendawo; yizwa u sezulwini endaweni yako yokuhlala; nalapo u zwayo, yekela.

₂₂Uma umuntu e nesono kumakelwane wake, a nikwe isifungo ukuba a funge ngaso, nesifungo leso si fika ngapambi kwako ku lendhlu;

₂₃Yizwake wena u sezulwini, wenze, wahlulele izinceku zako, u hlupe ababi, u pindisele indhlela yake pezu kwekanda lake; wabele kahle olungileyo, u m nike njengokulunga kwake.

₂₄Uma abantu bako abaIsraeli be hlulwa isita, ngokuba bonile nga kuwena; noko ba buye ba vume igama lako, ba tandaze ba kale ngapambi kwako ku lendhlu;

₂₅U zweke wena o sezulwini, u yekele isono sabantu bako abaIsraeli, u ba buyisele futi ezweni o li nike bona noyise babo.

₂₆Lapo ku valeka izulu, kungeko imvula, ngenxa yokona kwabo kuwena; noko uma be tandaza ku lendawo, be vuma igama lako, be penduka esonweni sabo, o wa u ba hlupe ngaso;

₂₇Uzweke wena o sezulwini, u yekele isono sezinceku zako, nabantu bako abaIsraeli, lapo u su ba fundisile indhlela elungileyo, e nga be hamba ngayo, u tume imvula pezu kwezwe lako, oli nikileyo abantu bako li be ifa labo.

₂₈Uma ku kona indhlala ezweni, nesikonyana, nezinhlupeko zonke; uma izita zabo zi ba vimbela emizini yezwe labo, noma ku hlutyekwa noma ku gulwa;

₂₉Lapoke umtandazo nokucela oku ya kwenziwa umuntu, noma abantu bonke bako abaIsraeli, i lowo njalo e kwazi okwake ukuhlupeka, elule izandhla zake ku lendhlu;

₃₀U zweke wena u sezulwini indawo yokuhlala kwako, u yekele, wabele ku lowo njalo njengezenzo zake zonke, o nhliziyo yake u ya yazi wena; (ngokuba izinhliziyo zabantwana babantu zaziwa nguwe wedwa.)

₃₁Ukuze be sabe wena, ba hambe ngezindhlela zako, ngokupila konke kwabo ezweni o li nikileyo obaba betu.

₃₂Futi isihambi o ku ngesiso sabantu bako abaIsraeli, o vela ezweni eli kude ngenxa yegama lako elikulu, nesandhla sako esinamandhla, nomkono wako o weluliweyo; uma be fika be tandaza ku lendhlu;

₃₃U zweke wena u sezulwini, u sendaweni yokuhlala kwako, u menzele kona konke a ku bizayo kuwena, ukuze abantu bonke bomhlaba ba lazi igama lako, ba kwesabe wena, njengabantu bako abaIsraeli, bazi futi ukuba lendhlu e ngi yakileyo i bizwa ngegama lako.

₃₄Uma abantu bako be puma ukulwa nezita zabo ngendhlela o ba tumayo ngayo, be ku tandazela kuwo lomuzi o wu ketileyo wena, nendhlu e ngi yakele igama lako;

₃₅U zweke umtandazo nokukala kwabo, u sezulwini, u ba mele bona,

₃₆Uma ba yona kuwena (ngokuba akako ongoniyo,) nawe u ba tukutelele, u ba nikele izita zabo, nabo ba ba yise be izigqili ezweni elikude, noma eli seduze;

₃₇Noko uma be penduka kulelozwe aba yiswe kulo, ba buye ba kale kuwena be kulelozwe, be ti, Sonile, si pambukile, senzile ububi.

₃₈Uma be pendukela wena ngenhliziyo yonke yabo, nangompefumulo wonke wabo kulelozwe lobugqili babo, a ba yiswe kulona, be kalela izwe labo, o li nikileyo oyise babo, nomuzi o ketwe nguwena, na kuyo indhlu e ngi yakele igama lako;

₃₉U zweke wena u sezulwini, endaweni yokuhlala kwako, umtandazo wabo, nokukala kwabo, u ba mele, u ba yekele abantu bako aba konileyo.

₄₀Manje, Nkosi yami, ngi ya kuleka, ma a vuleke amehlo ako, nezindhlebe zako ma zi wu zwe umtandazo owenziwayo ku lendawo.

₄₁Manjeke kupukela endaweni yako yokupumula, O Jehova Tixo, wena, nompongolo wamandhla ako; abapristi bako ma ba gqokiswe ngensindiso, O Jehova Tixo, nabalungileyo bako ma ba jabule ngokulunga.

₄₂O Jehova Tixo, u nga penduli ubuso bako kogcotyiweyo wako; kumbula umusa ka Davida inceku yako.