1NGA semva kwaloko uSolomona wa hlanganisa amalunga onke abaIsraeli, kanye namakunzana ezizwe, amakosi oyise babantwana baka Israeli, enkosini uSolomona eJerusalema, ukuze ba kupule umpongolo wesivumelwano ka Jehova emuzini ka Davida, okutiwa iZioni.
2Amadoda onke aka Israeli a zihlanganisela enkosini uSolomona emhlanganweni wenyanga ka Etanimu, ukuti inyanga yesikombisa.
3Eza onke amalunga abaIsraeli, abapristi a u tata umpongolo.
4Ba kupuka nompongolo ka Jehova, kanye netente lomhlangano, nezitya zonke ezi yingcwele eza zi kona etenteni, abapristi nabaLevi ba kupuka nazo lezo.
5Inkosi uSolomona, nomhlangano wabo bonke abaIsraeli a ba be hlangene kuye, ba be naye pambi kompongolo, ba nikela izimvu nezinkabi, ezi nge nakubalwa nokuqondwa ngobuningi bazo.
6Abapristi ba wu ngenisa umpongolo wesivumelwano ka Jehova endaweni yawo, kudebire endhlini, endaweni e yingcwele, ngapansi kwamapiko amakerubi.
7Ngokuba amakerubi a olula amapiko awo amabili ngapezulu kwendawo yompongolo, amakerubi a sita umpongolo nezindondolo zawo ngapezulu.
8Ba kipa izindondolo kwa ti izinhloko zezindodolo za bonakala endaweni e yingcwele ngapambili kuka debire, be zi nga bonakali ngapandhle; zi kona lapo ku ze ku be namhlanje.
9Kwa ku nge ko luto empongolweni kupela amatye amabili, a be a bekwa kona uMosi eHorebi, loku uJehova wa senza isivumelwano nabantwana baka Israeli, ekupumeni kwabo ezweni la sEgipite.
10Kwa ti, abapristi se be pumile endaweni e yingcwele ifu la gcwalisa indhlu ka Jehova.
11Abapristi ba be nge nako ukuma ba konze ngenxa yefu, ngokuba ukukazimula kuka Jehova kwa gcwalisa indhlu ka Jehova.
12uSolomona wa shumayela, wa ti uJehova u ya kuhlala ebumnyameni obunzima.
13Impela ngi kwakele indhlu yokuhlala, indawo eqinileko yokuhlala kwako ku ze ku be pakade.
14Inkosi ya penduka, ya busisa umhlangano wonke wabaIsraeli; umhlangano wonke wabaIsraeli wema;
15Wa ti, Ma ka bongwe uJehova uTixo ka Israeli, o wa kuluma ngomlomo wake kuDavida ubaba, na ngesandhla sake u ku qinisile, e ti,
16Iloku nga pumisa abantu bami abaIsraeli Egipite, a ngi ketanga nmuzi ezizweni zonke zabaIsraeli ukwaka indhlu, ukuba igama lami li be kona, kodwa nga m keta uDavida a be pezu kwabantu bami abaIsraeli.
17Kwa ku senhliziyweni ka Davida ubaba ukwakela igama lika Jehova uTixo ka Israeli indhlu.
18uJehova wa ti kubaba uDavida, Njengokuba kwa ku senhliziyweni yako ukwakela igama lami indhlu, wenze kahle ngokuba kwa ku kona loko enhliziyweni yako.
19Noko, indhlu leyo a i yi kwakiwa uwe, kodwa indodana yako e za kupuma okalweni lwako, yona i ya kwakela igama lami indhlu.
20uJehova u se gcwalisile izwi lake a li tyoyo, mina se ngi ngenile esikundhleni sika Davida ubaba, ngi hlale esihlalweni sobukosi sa kwa Israeli, njengokutyo kuka Jehova, ngakele igama lika Jehova uTixo ka Israeli indhlu.
21Ngi misile indawo yompongolo, lapo ku kona isivumelwano sika Jehova, owa senza nobaba betu, ngesikati sokubapumisa kwake ezweni la sEgipite.
22uSolomona wema pambi kwelati lika Jehova emehlweni omhlangano wonke wabaIsraeli, wa zolula izandhla zake nga sezulwini.
23Wa ti, Jehova Tixo ka Israeli, ka muko uTixo o njengawe, ezulwini pezulu, na semhlabeni pansi, o gcine isivumelwano nobubele nezinceku zako zona ezi hambayo pambi kwako ngenhliziyo yonke yazo.
24Wena u gcine nenceku yako uDavida ubaba loko owa ku tyoyo; futi loko owa ku tyoyo ngomlomo wako, u kwenzile ngesandhla sako, njengokuba ku njalo namhlanje.
25Ngako kaloku, Jehova Tixo ka Israeli, ku gcine encekwini yako uDavida ubaba loko owa ku tyoyo kuyena, ukuti, A ku yi kusweleka muntu ebusweni bami, a hlale esihlalweni sobukosi sa kwa Israeli; uma abantwana bako ba gcine indhlela yabo, ba hambe pambi kwami njengokuba wena u hambile pambi kwami.
26Kaloku, Tixo ka Israeli, izwi lako ma li qiniseke, owa li tyoyo kuDavida ubaba inceku yako.
27Imbala uTixo u ya kuhlala emhlabeni na? Bheka, izulu nezulu lamazulu a li nako ukwanela, po, lendhlu engi yakileyo incane kangakanani?
28Kepa ma u bheke umtandazo wenceku yako, nokunxusa kwayo, Jehova Tixo wami, u zwe ukukala nokukuleka, e ku kulekayo inceku yako pambi kwako namhlanje.
29Ukuba amehlo ako a bheke lendhlu ebusuku na semini, lendawo o wa ti ngayo, Igama lami li ya kuba kona; u ze u lalele ukukuleka o kuya kukulunywa inceku yako ku lendawo.
30Ma u zwe ukunxusa kwenceku yako, nokwabantu bako, abaIsraeli mzukwana be kuleka ku lendawo; u zwe ezulwini ekaya lako, u su zwile, u tetelele.
31Uma umuntu otile e necala kuye owakelene naye, a fungiswe, isifungo si vela pambi kwelati lako ku lendhlu;
32Ma u zwe ezulwini, wenze njalo, u tete icala lezinceku zako, u lahle icala lonayo, ukupindisele ukwenza kwake ekanda lake; u tetelele icala lake yena olungileyo, u m nike njengokulunga kwake.
33Mzukwana abantu bako abaIsraeli bahluliwe izita zabo, ngokuba bonile kuwe, ba ze ba pindele kuwe, ba vumele igama lako, ba tandaze, ba kuleke kuwe ku lendhlu;
34Ma u zwe ezulwini, u tetelele isono sabantu bako abaIsraeli, u ba buyisele ezweni o wa li nika okoko babo.
35Mzukwana izulu li valiwe, imvula i nge ko, ngokuba bonile kuwe; uma be kuleka nga ku lendawo, ba bonge igama lako, ba guquke esonweni sabo, ngoba wena u ba jezisile;
36Ma u zwe ezulwini, u tetelele isono sezinceku zako, naso esabantu bako abaIsraeli, u ba fundise indhlela elungileyo, oku fanele ba hambe kuyo, u nise imvula ezweni lako, o wa li nika kubantu bako li be ifa labo.
37Uma ku kona indhlala ezweni, uma ku kona nokufa, nokuputa, amabalana, izinkumbi, uma ku kona isihlava, uma izita zabo zi ba haqa ezweni eli buswa ibo; ezinhlupweni zonke, na sezifweni zonke;
38Ukukuleka nokutandaza konke kwabantu bonke, abantu bonke bako abaIsraeli, abaziyo ku ngulowo ukuhlupa okusenhliziyweni yake, e zelula izandhla ku lendhlu;
39Ma u zwe ezulwini ekaya lako, u tetelele, wenze, u pe kubantu bonke ku be ilowo njengokuhamba kwake, inhliziyo yake o yaziyo; (ngokuba uwe wena wedwa, ozaziyo izinhliziyo zabantwana bonke babantu.)
40Ukuba ba kwesabe izinsuku zonke zokuhlala kwabo ezweni o wa li nikayo oyise babo.
41Futi, naye umdingi, o nge siye omunye wabantu bako abaIsraeli, kodwa e puma ezweni elikude ngenxa yegama lako;
42(Ngokuba ba ya ku zwa ngalo igama lako elikulu, na ngaso isandhla sako samandhla, na ngayo ingalo yako eyeluliweko;) mzukwana eza e kuleka endhlini le;
43Ma u zwe ezulwini ekaya lako, wenze njengako konke lomdingi a ku celileyo kuwe; ukuze bonke abantu emhlabeni ba lazi igama lako, ba kwesabe njengabantu bako abaIsraeli; ukuba bazi ukuti lendhlu engi yakileyo i ya tiwa ngegama lako.
44Uma nxa abantu bako be suka be ya kuhlasela eziteni zabo, lapo u ba tuma kona, ba kuleke kuJehova, nga ku lomuzi o wu ketileyo, na nga ku lendhlu engi yakeleyo igama lako;
45Ma u zwe ezulwini ukukuleka kwabo nomtandazo wabo, u ba vune.
46Uma nxa bone kuwe, (ngokuba ka muko o ngoniyo,) u ba tukutelela, u ba nike eziteni zabo, zona zi ba telise ezweni lezita zabo, nokuba ku kude, nokuba ku seduze;
47Uma inhliziyo i kumbule ezweni lapo ba teliswa, kona ba guquke, ba kuleke kuwe ezweni labo aba ba telisayo, be ti, Sonile, senzile kabi, senza ukona;
48Njaloke ba buyele kuwe ngayo yonke inhliziyo yabo, na ngawo wonke umpefumlo wabo, ezweni lezita zabo bona aba ba telisayo, ba kuleke kuwe ngasezweni la kubo, ela piwa uwe koyise babo, umuzi oketwe uwe, nendhlu engi yakeleyo igama lako.
49Ma u zwe ukukuleka kwabo nokutandaza kwabo kona ezulwini ekaya lako, u ba vume.
50U ba tetelele abantu bako abonileyo kuwe, nezono zabo zonke abonile ngazo kuwe, u ba pate ngomusa kubo aba ba telisayo, ukuba ba ba pate ngomusa.
51Ngokuba be ngabantu bako, nefa lako, o wa ba kipa ezweni la sEgipite, na ngapakati kweziko lensimbi;
52Ukuba amehlo ako a bheke ukukuleka kwenceku yako, nokukuleka kwabantu bako abaIsraeli, ukubezwa kuko konke aba ku celayo kuwe.
53Ngokuba wa ba hlukanisa kubo bonke abantu bomhlaba, ukuba ba be ifa lako, njengokuba wa kuluma ngesandhla senceku yako uMosi, mzukwana u ba kipa okoko betu ezweni la sEgipite, Jehova Tixo wetu.
54Kwa ti, uSolomona e se qedile ukukuleka kuJehova konke lokukukuleka nokunxusa, wa suka pambi kwelati lika Jehova, lapo e be guqa ngamadolo ake, izandhla zi pakanyiswe nga sezulwini.
55Wema wa wu busisa umhlangano wonke wabaIsraeli ngezwi elikulu, wa ti;
56Ma ka dunyiswe uJehova, o nikileyo ukupumula kubantu bake abaIsraeli, njengokutembisa kwake kubona; ka li citwanga nazwi linye lokutembisa kwake okulungileyo, a ku tembisa ngesandhla sika Mosi inceku yake.
57uJehova uTixo wetu ma ka be nati, njengokuba wa e nabo okoko betu; ma ka nga si shiyi, ma ka nga kohlwa itina.
58Ukuze a donse izinhliziyo zetu zi bheke kuye, si hambe ngezindhlela zonke zake, si gcine izimemezelo zake, nemiyalo yake, nezimiso zake a ku yala okoko betu.
59Lamazwi engi wa kulekayo pambi kuka Jehova, ma wa hlale kuJehova uTixo wetu emini na sebusuku, ukuba a vune inceku yake, a vune nabantu bake abaIsraeli ngezikati zonke, njengokuswela kwabo;
60Ukuze bonke abantu emhlabeni bazi ukuba uJehova u nguTixo, ka muko omunye.
61Inhliziyo yenu ma i hlale i nge nacala pambi kuka Jehova uTixo wetu, ukuhamba njengemiyalo yake, nokugcina izimemezelo zake, njenga namhlanje.
62Inkosi, kanye nabaIsraeli bonke, ba nikela umnikelo pambi kuka Jehova.
63uSolomona wa nikela umnikelo wokutula, a ku nikelayo kuJehova, izinkabi ezi izinkulungwane ezi ngamashumi amabili, nezimvu ezi izinkulungwane ezi ikulu namashumi amabili, kunjalo inkosi nabantwana bonke baka Israeli ba vula indhlu ka Jehova.
64Nga lolusuku inkosi ya senza si be ngcwele isihonqa sapakati, esi ngapambi kwendhlu ka Jehova, ngokuba lapo wa nikela iminikelo yokutya, neminikelo yokudhla, namafuta eminikelo yokutula, ngokuba ilati letusi e la li kona pambi kuka Jehova la li lincane la li nge nako ukulingana neminikelo yokutya, neminikelo yokudhla, namafuta eminikelo yokutula.
65Nga lesosikati uSolomona wa mema umhlangano kanye naba Israeli bonke, umhlangano omkulu, kwa suka nga sekungeneni eHamati ku ze ku be semfuleni wa sEgipite, pambi kuka Jehova uTixo wetu, izinsuku ezi isikombisa nezinsuku ezi isikombisa, ukuti izinsuku ezi ishumi nane.
66Ngosuku lwesishiyagalombili wa ba mukisa abantu, ba yi babaza inkosi, ba ya ematenteni abo, be tokoza be jabula ezinhliziyweni zabo ngenxa yobubele bonke uJehova a be pete ngabo uDavida inceku yake, nabo abaIsraeli abantu bake.
