ISAHLUKO 13

₁KWA ti, kwa vela kwa Juda umuntu ka Tixo ngezwi lika Jehova, weza eBeteli; uJeroboamu wa e mi elatini e tyisa impepo kona.

₂Wa memeza elatini ngezwi lika Jehova, wa ti, We lati, lati! u ti uJehova; Bheka, ku za ku zalwa kuyo indhlu ka Davida umtwana, uJosia igama lake; pezu kwako u za kunikela abapristi bezindawo ezipakamileyo abatyisayo impepo pezu kwako, namatambo abantu u za kuwatyisa pezu kwako.

₃Wa ba nika isiboniso nga lobubusuku, wa ti, Nasi isiboniso ukuti, u kulumile uJehova; Bheka, ilati li ya kubidhlika, nomlota pezu kwalo u za kuciteka.

₄Kwa ti inkosi uJeroboamu e se zwile ukutyo komuntu ka Tixo, a be kala ngako elatini la seBeteli, wa solula isandhla sake nga kulo ilati, wa ti, M bambeni. Isandhla sake a solulayo kuye, sa shwabana, wa e nge namandhla ukusibuyisela kuye.

₅Nelati la bidhlika, nomlota welati wa citeka elatini, njengesiboniso esa nikwa ngumuntu ka Tixo ngezwi lika Jehova.

₆Inkosi ya pendula kumuntu ka Tixo, ya ti, Ma u nxuse ebusweni buka Jehova uTixo wako, u ngi kulekele, ukuba isandhla sami si sinde. Umuntu ka Tixo wa nxusa uJehova, isandhla senkosi sa sinda, sa buya sa ba njengakuqala.

₇Inkosi ya ti kumuntu ka Tixo, A ke u goduke nami, u pumule, ngi ya kukukokela.

₈Wa ti umuntu ka Tixo enkosini, Nokuba u bu ngi nikile inxenye yendhlu yako, a ngi yi kungena nawe kona, futi a ngi yi kudhla ukudhla ngi puze namanzi ku lendawo;

₉Ngokuba nga yalwa njalo ngezwi lika Jehova, ukuti, U nga dhli ukudhla, u nga puzi namanzi, u nga buyi nga lendhlela o ze ngayo.

₁₀Njaloke wa ya ngenye indhlela, ka pindanga ngendhlela e be zile ngayo eBeteli.

₁₁Kwa hlala eBeteli umprofeti omdala; amadodana ake eza a m tyela imisebenzi yonke eyenziwa umuntu ka Tixo ukuba nga lolusuku eBeteli, amazwi a be wa kulumile enkosini, wona nawo a wa lande kuyise.

₁₂Uyise wa ti kubo, Wa ya nga yipi indhlela na? ngokuba amadodana ake a be bonile indhlela umuntu ka Tixo a hamba ngayo e vela kwa Juda.

₁₃Wa ti kumadodana ake, Bopani imbongolo. Ba yi bopela imbongolo; wa yi kwela.

₁₄Wa m landela umuntu ka Tixo, wa m fumana e hlezi ngapansi komkoba; wa ti kuye, Wena u nguye lomuntu ka Tixo owa vela kwa Juda na? Wa ti, ngi nguye mina.

₁₅Wa ti kuye, Woza u goduke nami, u dhle ukudhla.

₁₆Wa ti, A ngi nako ukubuya nawe, a ngi nako ukungena endhlini yako nawe; futi a ngi yi kudhla ukudhla ngi puze amanzi kanye nawe ku lendawo;

₁₇Ngokuba kwa tyiwo kimi ngezwi lika Jehova, ukuti U nga dhli ukudhla, u nga puzi namanzi kona, u nga pindeli nga lendhlela o ze ngayo.

₁₈Wa ti kuye, Mina ngi ngumprofeti njengawe; ingelosi ya kuluma nami ngalo izwi lika Jehova, ya ti, M buyise e ze endhlini yako, ukuze a dhle isinkwa a puze namanzi. Kodwa wa m qambela amanga.

₁₉Ngako wa buya naye, wa dhla ukudhla endhlini yake wa puza amanzi kona.

₂₀Kwa ti, be sa hlezi esitebeni, izwi lika Jehova leza ku lomprofeti o m buyisileyo;

₂₁Wa memeza kumuntu ka Tixo owa vela kwa Juda, wa ti, U ti uJehova, ngokuba a u kwenzanga loko oku yaleziweyo ngomlomo ka Jehova, a u kwenzanga njengokutyo kwake uJehova uTixo wako a ku yala kona.

₂₂Kodwa u buyile, u dhlile ukudhla, u puzile namanzi kulendawo, ngayo uJehova wa ti kuwe, U nga dhli ukudhla, u nga puzi namanzi kona; isidumbu sako ka si yi kubekwa etuneni lokoko bako.

₂₃Kwa ti, e se dhlile ukudhla, e se puzile, ba m bopela imbongolo yake, ukuti, yena umprofeti a be m buyisile.

₂₄E se hambile, ibubesi la hlangana naye endhleleni, la m bulala; isidumbu sake sa ntyingwa endhleleni, imbongolo yema ecaleni laso, futi nebubesi lema eduze nesidumbu.

₂₅Kwa ti, abantu abadhlulayo kona, ba bona isidumbu si lahlwe endhleleni, ibubesi li mi eduze nesidumbu; beza ba landa lendaba emuzini lapo lomprofeti omdala e be hlezi kona.

₂₆E se zwile loko, umprofeti o be m buyisile endhleleni wa ti, Ku ngumuntu ka Tixo, o nga lalelanga izwi lika Jehova; ngako uJehova u m nikeze kulo ibubesi, la m hlepula, la m bulala, njengalo izwi lika Jehova, a li tyoyo kuye.

₂₇Wa kuluma emadodaneni ake, wa ti, Bopelani imbongolo, ba yi bopela.

₂₈Wa ya wa fumana isidumbu sake si lahlwe endhleleni, imbongolo nebubesi li mi eduze nesidumbu; ibubesi la be li nga dhlanga isidumbu, la be li nga hlepulanga nembongolo.

₂₉Umprofeti wa tata isidumbu somuntu ka Tixo, wa si beka pezu kwembongolo, wa si buyisa; umprofeti omdala weza emuzini, ukulila noku m mbela.

₃₀Wa si beka isidumbu sake etuneni lake; ba m kalela, ba ti, Maye, mto wetu!

₃₁Kwa ti, e se m mbele, wa kuluma emadodaneni ake, wa ti, Lapo se ngi file nami, ma ni ngi lahle kulelituna lapo umuntu ka Tixo e lahlwe kona; bekani amatambo ami ndawonye namatambo ake;

₃₂Ngokuba loko a ku memezayo ngezwi lika Jehova kulo ilati eli seBeteli, na kuzo izindhlu zonke zezindawo ezipakamileyo ezi semizini ya seSamaria, ku za kuza impela.

₃₃Ngasemva kwa loko uJeroboamu ka yi shiyanga indhlela yake embi, kodwa wa tata abafokazi babantu wa ba misa ba be abapristi bezindawo ezipakamileyo; lowo otandayo wa m misa, a be umpristi ezindaweni ezipakamileyo.

₃₄Loko kwa ba isono kuyo indhlu ka Jeroboamu, ukuyicita, nokuyiqeda i pele ebusweni bomhlaba.