ISAHLUKO 15

₁WA zakela izindhlu emuzini ka Davida, wa lungisela umpongolo ka Tixo indawo wa u misela itente.

₂uDavida wa ti, a siko okomuntu ukwetwala umpongolo ka Tixo kupela abaLevi; ngokuba uJehova u ba ketile, ukwetwala umpongolo ka Tixo nokumkonza ku ze ku be pakade.

₃uDavida wa butela abaIsraeli bonke eJerusalema, ukukupulela umpongolo ka Jehova endaweni yawo, a e yi lungisele wona.

₄uDavida wa buta amadodana ka Aroni nabaLevi.

₅Kumadodana ka Kohati, uUrieli omkulu nabazalwana bake ikulu namashumi amabili.

₆Kumadodana ka Merari, uAsaia omkulu nabazalwana bake amakulu amabili namashumi amabili.

₇Kumadodana ka Gershomi, uJoeli omkulu nabazalwana bake ikulu namashumi amatatu.

₈Kumadodana ka Elizafani, uShemia omkulu nabazalwana bake, amakulu amabili.

₉Kumadodana ka Hebroni, uElieli omkulu nabazalwana bake, amashumi a shiyagalombili.

₁₀Kumadodana ka Uzieli, uAminadabi omkulu nabazalwana bake, ikulu neshumi nambili.

₁₁uDavida wa biza uZadoki, noAbiatari, abapristi, nabaLevi, uUrieli, uAsaia, uJoeli, uShemia, uElieli, noAminadabi;

₁₂Wa ti kubo, nina, malunga akaLevi zahlukaniseni kanye nabazalwana benu ni kupulele umpongolo kaJehova uTixo ka Israeli endaweni e ngi yi lungisele wona.

₁₃Ngokuba, na be ni ngenzi njalo kuqala uJehova uTixo wetu wa sehlela ngokufa, ngokuba sa si nga m funi ngokufaneleyo.

₁₄Abapristi nabaLevi ba zahlukanisa ukukupula umpongolo ka Jehova uTixo ka Israeli.

₁₅AbakwaLevi betwala umpongolo ka Tixo emahlombe abo, ngezinti zawo njengokutyo kuka Mosi ngezwi lika Jehova.

₁₆uDavida wa tyo ezinhlokweni zabaLevi, ukuba zi mise abazalwana bazo, aba hlabelela ngezinto zokuhlabelela imiqangi, nezingubu, namagenkhle, okukalayo, ukuzwakalisa ukujabula.

₁₇AbakwaLevi ba misa uHemani indodana ka Joeli na kubazalwana bake, uAsafa indodana ka Berekia na kumadoda ka Merari abazalwana babo uEtani indodana ka Kushaia.

₁₈Kanye nabazalwana abalandela bona, uZekaria, uBeni, uJazieli, uShemiramote, uJehieli, uUni, uEliabi, uBenaia, uMaseia, uMatitia, uElifele, uMikneia, uObededomi, noJeieli, abalindi bamasango.

₁₉Abahlabeleli, uHemani, uAsafa, noEtani ukutyaya kakulu amagenkhle etusi.

₂₀NoZekeria, noAzieli, noShemirimote, noJehieli, noUni, noEliabi, noMaseia, noBenaia ukuzwakalisa imiqangi njengamazwi esifazana.

₂₁noMatitia noElifele, noMikneia, noObededomi, noJehieli, noAzezia ukuzwakalisa izingubu njengezwi lesilisa.

₂₂uKenania inhloko kubaLevi ngokutwala wa e fundisa ukutwala ngokuba wa e nengqondo.

₂₃uBerekia, noElkana ba be abalindi bompongolo eminyangweni.

₂₄uShebania, uJehoshafati, uNatanili, uAmasai, uZekaria, uBenaia, uEliezari abapristi ba be tyaya amatilongo pambi kompongolo ka Tixo, uObededomi, noJehia, ba be, abalindi bompongolo eminyangweni.

₂₅uDavida, namalunga akwa Israeli, nezinduna zezinkulungwane, ba ya ukukupula umpongolo wesivumelwano ka Jehova endhlini ka Obededomi, be nokujabula.

₂₆Kwa ti uTixo e se ba sizile abaLevi ukwetwala umpongolo wesivumelwano ka Jehova, ba nikela izinkunzi ezi isikombisa nezinqama ezi isikombisa.

₂₇uDavida wa e gqoka ingubo yendwangu enhle nabaLevi aba be twele umpongolo, nabahlabeleli noKenania inkosi yokutwala; uDavida wa e gqoka iefodi yelinini.

₂₈AbaIsraeli bonke ba kupula umpongolo wesivumelwano sika Jehova ngokumemeza, nokukala kwemityingo, nokwamatilongo, nokwamagenkhle, be tyaya, innqangi, nezingubu.

₂₉Kwa ti, ekufikeni kompongolo wesivumelwano ka Jehova emuzini ka Davida, uMikali indodokazi ka Sauli wa buka ngesibuko wa bona inkosi uDavida e xuma e dhlala; wa m dela enhliziyweni yake.