UJOSHUWA 12

₁Lawa angamakhosi ezwe anqotshwa ngabantwana bakwaIsrayeli, belidla izwe lawo ngaphesheya kweJordani ngasempumalanga, kusukela esigodini saseArinoni kuze kube-sentabeni yaseHermoni, nalo lonke iAraba ngasempumalanga:

₂uSihoni inkosi yama-Amori owahlala eHeshiboni, ebusa kusukela eAroweri eliseceleni kwesigodi saseArinoni, naphakathi nesigodi, nenxenye yakwaGileyadi, kuze kube-semfuleni iJaboki, umkhawulo wabantwana bakwa-Amoni,

₃neAraba kuze kufike elwandle lwaseKinereti ngasempumalanga, kuze kube-seLwandle lwaseAraba, uLwandle lukaSawoti, ngasempumalanga endleleni eya eBeti-Jeshimoti nangaseningizimu ngaphansi kwemithambeka yasePisiga;

₄futhi izwe likaOgi inkosi yaseBashani, owensali yamaRefa, owahlala eAshitaroti nase-Edireyi,

₅ebusa entabeni yaseHermoni, naseSaleka, nakulo lonke iBashani kuze kubesemkhawulweni wamaGeshuri nowamaMahakhati, nenxenye yakwaGileyadi, umkhawulo kaSihoni inkosi yaseHeshiboni.

₆UMose inceku kaJehova nabantwana bakwaIsrayeli babebabulele; uMose inceku kaJehova wabanika lona abakwaRubeni, nabakwaGadi, nenxenye yesizwe sakwaManase, laba-yifa labo.

₇Lawa angamakhosi ezwe anqotshwa nguJoshuwa nangabantwana bakwaIsrayeli ngaphesheya kweJordani ngasentshonalanga, kusukela eBali-Gadi esigodini saseLebanoni kuze kufike entabeni yaseHalaki eyenyukela eSeyiri, uJoshuwa walinika izizwe zakwaIsrayeli libe-yifa ngokwezabelo zabo

₈ezintabeni, nasemathafeni, naseAraba, nasemithambekeni, nasehlane, naseningizimu: amaHeti, nama-Amori, namaKhanani, namaPherizi, namaHivi, namaJebusi:

₉inkosi yaseJeriko: inye; inkosi yaseAyi elingaseceleni kweBethele: inye;

₁₀inkosi yaseJerusalema: inye; inkosi yaseHebroni: inye;

₁₁inkosi yaseJarimuthi: inye; inkosi yaseLakishi: inye;

₁₂inkosi yase-Egiloni: inye; inkosi yaseGezeri: inye;

₁₃inkosi yaseDebiri: inye; inkosi yaseGederi: inye;

₁₄inkosi yaseHorma: inye; inkosi yaseAradi: inye;

₁₅inkosi yaseLibina: inye; inkosi yaseAdulamu: inye;

₁₆inkosi yaseMakheda: inye; inkosi yaseBethele: inye;

₁₇inkosi yaseTaphuwa: inye; inkosi yaseHeferi: inye;

₁₈inkosi yaseAfeki: inye; inkosi yaseLasharoni: inye;

₁₉inkosi yaseMadoni: inye; inkosi yaseHasori: inye;

₂₀inkosi yaseShimroni-Meroni: inye; inkosi yaseAkishafu: inye;

₂₁inkosi yaseThahanaki: inye; inkosi yaseMegido: inye;

₂₂inkosi yaseKedeshi: inye; inkosi yaseJokineyamu eKarmeli: inye;

₂₃inkosi yaseDori egqumeni laseDori: inye; inkosi yaseGoyimi eGiligali: inye;

₂₄inkosi yaseTirisa: inye; onke amakhosi ayengamashumi amathathu nanye.