IINDUMISO 98

₁Vumani kuYehova ingoma entsha,

Ngokuba wenzé imisebenzi ebalulekileyo;

Símzuzele uloyiso isandla sakhe sokunene, nengalo yakhe engcwele.

₂Ulwazisile uYehova usindiso lwakhe,

Ubutyhilile emehlweni eentlanga ubulungisa bakhe.

₃Ukhumbulé inceba yakhe nokunyanisa kwakhe kwindlu kaSirayeli;

Zilubonile zonke iziphelo zehlabathi usindiso loThixo wethu.

₄Dumani kuYehova, nonke hlabathi,

Gqobhokelani ekumemeleleni, nibethe uhadi.

₅Mbetheleni uhadi uYehova,

Uhadi nelizwi lengoma;

₆Ngamaxilongo nezwi lesigodlo

Dumani phambi koKumkani uYehova.

₇Malugqume ulwandle nenzaliseko yalo,

Elimiweyo nabemi balo.

₈Imilambo mayibethe izandla,

Zimemelele kunye iintaba

₉Phambi koYehova, ngokuba esiza kugweba ihlabathi.

Uya kuligweba elimiweyo ngobulungisa,

Izizwe ngokuthe tye.