Amaculo 78

₁BEKANI indlebe, bantu bam! emtetweni wam: tobani indlebe zenu emazwini omlomo wam. ₂Ndiya kuvula umlomo wam ngomzekeliso; ndiya kuxela izintsonkotelo zakudala: ₃esizivileyo sazazi, nesizityelweyo ngobawo betu. ₄Asiyi kuzisitelisa kubantwana babo, sishumayela kwisizukulwana sasemva indumiso zikayehova, namandla ake, nemimangaliso yake ayenzileyo. ₅Ngokuba wamisa isinqi̔no kwa‐Yakobi, wadala umteto kwa‐Sirayeli, owabayalela obawo betu ukuba bazazise kubantwana babo; ₆ukuze sizazi isizukulwana sasemva, abantwana abaza kuzalwa; bavuke bazishumayele nakubantwana babo: ₇ukuba babeke pezu kwotixo itemba labo, bangazilibali izenzo zikatixo, kodwa imiyalelo yake bayibambe; ₈bangabi njengoyise babo, isizukulwana esinenkani esingevayo; isizukulwana esingalungisanga intliziyo yaso, nesimoya ungatanga nqi kutixo.

₉Onyana baka‐Frayime, betyeda betola ngezipeta, bajika ngomva ngemini yokulwa. ₁₀Abagcina ucebano lukatixo, bala nokuhamba emtetweni wake; ₁₁balibala nemisebenzi yake, nemimangaliso yake abebabonisile yona.

₁₂Wenza okungummangaliso pambi kwoyise babo, elizweni le‐Jipete, ezindle zase‐Tsohane. ₁₃Wacanda ulwandle, wabaweza ke; wawamisa amanzi njengemfumba. ₁₄Emini wabakokela ngelifu, nasebusuku bonke ngokukanya kwomlilo. ₁₅Wacanda amatyekazi entlango, wabaseza njengasezinzulwini ngokukolisa. ₁₆Wavelisa izelo eweni, wahlisela pantsi amanzi njengemilambo. ₁₇Kanti bongeza kanjako ukwona ngakuye, ngokuvukela opezu kwonke ebugxwayibeni. ₁₈Balinga utixo entliziyweni yabo, ngokucelela umxe̔lo wabo ukudla. ₁₉Ewe, bateta ngakuye utixo; bati: Utixo angalungisa isitebe entlango na? ₂₀Kangela, wabeta ilityekazi, aza ampompoza amanzi, yati imisinga yakukula; anganika nesonka na? angabekela abantu bake inyama na? ₂₁Wati ngoko uyehova weva, waqumba: waza umlilo wapenjelwa ngakuye u‐Yakobi, nomsindo wavuka ngaku‐Sirayeli, ₂₂ngokokuba bengakolwanga kutixo, nokuba bengatembanga ekusindiseni kwake; ₂₃nangona wayalela amafu pezulu, wavula ingcango zezulu, ₂₄wanisa imana pezu kwabo badle, wabanika inqolowa yezulu. ₂₅Badla abanye ngabanye ukutya kwabazinkosi; wabatumela ukutya kwada kwahlutiswa. ₂₆Wapumisela ezulwini umoya wasempumalanga, wazisa ngamandla ake umoya wasesuyide. ₂₇Wanisa nenyama pezu kwabo njengotuli, nentaka ezinamapiko njengentlabati yolwandle; ₂₈wayiwisa pakati kwomnquba wabo, ngento engqongayo intente zabo. ₂₉Baza badla, bahluta kanye; ngokuba wabanika inkanuko yabo.

₃₀Bebengekahlukani nenkanuko yabo, ukutya kwabo bekusesemlonyeni wabo, ₃₁nxa umsindo katixo wavuka ngakubo, wabulala pakati kwabatyebileyo babo, wawisa pantsi abanyuliweyo bakwa‐Sirayeli. ₃₂Kanti bamana ukwona noko; abakolwanga nayimimangaliso yake. ₃₃Ngako wapelisa imihla yabo kokungendawo, neminyaka yabo ekutusweni. ₃₄Bati akubabulala, bandula ukumfuna; babuya babuza utixo ngokukuteleyo. ₃₅Bakumbula ukuba utixo ulilityekazi labo, nokuba utixo opezu kwonke ungumkululi wabo. ₃₆Bamhanahanisa ngomlomo wabo noko, bamxokisa ngelwimi zabo. ₃₇Ngokuba intliziyo yabo ibingalunganga ngakuye, babengaqinanga nokuqina kulo ucebano lwake. ₃₈Kodwa yena, enenceba nje, waxolela inkohlakalo yabo, akabatshabalalisa: kwa futi wabuyisa ingqumbo yake, engavusanga wonke umsindo wake kanjalo. ₃₉Ngokuba ebekumbula ukuba bayinyama; umoya omkayo, ungabuyi uze.

₄₀Bekufuti kangakanana bamvukelayo entlango, bamcapukisa ebugxwayibeni! ₄₁Ewe, babuya balinga utixo; bammisela oyingcwele ka‐Sirayeli umda. ₄₂Abakumbula isandla sake, umhla okuya wabakululayo elutshabeni: ₄₃okuya wamisa imiqondiso yake e‐Jipete, nemimangaliso yake ezindle zase‐Tsohane, ₄₄waguqula imilambo yabo ibe ligazi, nezelo zabo, bada bakohlwa kusela. ₄₅Watuma izibau pakati kwabo, ezazibadla; namasele, abebatshabalalisa. ₄₆Wanika ukucu̔ma kwabo kuṙuxeshe, nenzuzo yabo kwinkumbi. ₄₇Wabulala imiti yeveyine yabo ngesico̔to, nemikiwane yabo ngengqele. ₄₈Wanikela esico̔tweni inkomo zabo, nemihlambi yabo emibaneni. ₄₉Waposa pezu kwabo ubushushu bengqumbo yake, umsindo, nobuṙala, nobunzima, ngokutuma izitunywa zobubi. ₅₀Walungisela ingqumbo yake indlela; akabamba umpefumlo wabo ekufeni, wanikela embujisweni ubomi babo. ₅₁Wabeta bonke abamazibulo e‐Jipete, abakuqala kwamandla ezintenteni zakwa‐Hame. ₅₂Kodwa abantu bake wabapumisela njengegusha, wabakokela entlango njengomhlambi. ₅₃Wabakapa ngokugcinekayo, bengoyikanga; kanti intshaba zabo ulwandle lwazigubungela. ₅₄Wabazisa emdeni wake oyingcwele, kulentaba eyabizuzwa sisandla sake sokunene. ₅₅Waza wagxota abaheyideni pambi kwabo, wababela ilifa ngentambo, wahlalisa izizwe zo‐Sirayeli ezintenteni zazo.

₅₆Kanti balinga bavukela utixo opezu kwonke, bengagcinanga izinqi̔nelo zake; ₅₇bahlehla, benza ngobuxoki njengoyise babo: bajikajika njengesipeta esikohlisayo. ₅₈Bamqumbisa ngendawo zabo ezipakamileyo, bamvusela ikwele ngemifanekiso yabo eqingqiweyo. ₅₉Wati utixo akuva, waqumba, wadela o‐Sirayeli kakulu; ₆₀wada walahla itabanakele yase‐Shilo, intente wabeyimisa pakati kwabantu; ₆₁wanika amandla ake ekutinjweni, nobungcwalisa bake esandleni sotshaba. ₆₂Wabanikela esiṙeleni abantu bake, waqumbela ilifa lake. ₆₃Umlilo wadla amadodana abo; nentombi zabo bezingadunyiswa emitshatweni. ₆₄Abaperisite babo bawa ngesiṙele; nabahlolokazi babo bebengalili.

₆₅Yaza inkosi yavuka njengobelele ubutongo, njengeṙoti elidandulukayo ngenxa yeveyine. ₆₆Yabetela ngomva intshaba zayo; yazenza isigxekwa esingunapakade. ₆₇Kanjako yala intente ka‐Josefe; nesizwe sika‐Frayime ayasiqasha; ₆₈yaqasha isizwe sika‐Juda, intaba ye‐Ziyone eyayitandayo. ₆₉Yaka indawo yayo eyingcwele njengendawo ezinde, njengomhlaba iwusekeleyo kude kube ngunapakade. ₇₀Yaqasha no‐Davide isicaka sayo, yamsusa ezibayeni zegusha; ₇₁yamvelisa ekulandeleni igushakazi ezanyisayo, aze apate o‐Yakobi abantu bayo, no‐Sirayeli ilifa layo. ₇₂Waza wabapata ngobunene bentliziyo yake, wabakapa ngobulumko bezandla zake.