Amaculo 32

₁HAI itamsanqa lozigqito zixolelweyo, losono siselelweyo! ₂Hai itamsanqa lomntu uyehova angabaleli kuye inkohlakalo, nokungeko emoyeni wake inkohliso!

₃Ndindakuti cwaka, amatambo am aba madala ngokubomboloza kwam imini yonke. ₄Ngokuba nasemini nasebusuku isandla sako besinzima pezu kwam: ukunyakama kwam kwaguquka kwaba kukwoma kwehlobo. Sela. ₅Ndasazisa kuwe isono sam, nenkohlakalo yam andiyigubungelanga. Ndati: Ndiya kuxela izigqito zam kuyehova; waza wena waxolela ityala lesono sam. Sela. ₆Ngenxa yoku kwotandaza kuwe bonke ababedeshayo, ngexesha ongafunyanwa ngalo: ngahlekana emsingeni wamanzi amaninzi akayi kusondela kubo. ₇Uyindawo yam yokupepela wena; uya kundilondoloza ebunzimeni; uya kundipahla ngemigcobo yenkululo. Sela.

₈Ndokufundisa, ndikubonise ngendlela oya kuhamba ngayo: ndokunika icebo, ndibeke iliso lam pezu kwako. ₉Maningabi njengehashe, umhlaumbi njengeqwaṙaṙa, into engenakuqonda, umlomo wayo ulungele ukubanjwa ngentsimbi nangomkala, hleze isondele kuwe. ₁₀Intlungu ezininzi zobako kokohlakeleyo; kodwa otembela kuyehova, ububele buya kumpahla. ₁₁Vuyani kuyehova, nigcobe, nina balungileyo! nivuyelele, nonke nina bantliziyo zilungisekile!