Amaculo 31

₁YEHOVA! nditembile kuwe; mandingezi ndidaniswe: ndikulule ngobulungisa bako. ₂Nditobele indlebe yako; ndihlangule kamsinya: yiba lilitye lamandla kum; ube yindlu yenqaba yokundisindisa. ₃Ngokuba uliliwa lam nenqaba yam; zuti ngoko, ngenxa yegama lako, undikape, undikokele. ₄Ndiku̔pe elutanjeni abandifihlele lona; ngokuba ungamandla am wena. ₅Ndiyabekela esandleni sako umoya wam: undikulule, Yehova, Tixo wenyaniso! ₆Ndibatiyile abo babeka izinto ezingendawo zobuxoki; kodwa mna ndiyatembela kuyehova. ₇Ndiya kuvuya ndigcobe ngobubele bako: ngokuba ububonileyo ubunzima bam; uzazile imbandezelwa zompefumlo wam; ₈akundinikelanga esandleni sotshaba: uzimisile inyawo zam endaweni ebanzi.

₉Yiba nofefe ngakum, Yehova! ngokuba ndisebunzimeni: iliso lam lonakele ngenkatazo, kwa nomxe̔lo wam nombilini wam. ₁₀Ngokuba ubomi bam bugqityelwe lusizi, neminyaka yam kukugula; amandla am ayapela ngenxa yobubi bam; amatambo am onakele. ₁₁Ngenxa yentshaba zam zonke ndibe ndisigxekwa, nakakulu ke kubamelwane bam, nesoyikeko kwabo bandaziyo: abo bandibonayo pandle bandibaleka. ₁₂Ndilityelwe njengofileyo ongenakukunjulwa; ndinjengesitya esitshabaleleyo. ₁₃Ngokuba ndivile ukuhleba kwabaninzi; ukwoyika bekungamacala onke; nxa bebecebana ngakum, benza ngeqinga lokundihluta ubomi bam. ₁₄Kodwa ndatembela kuwe, Yehova! ndati: Ungutixo wam wena. ₁₅Amaxesha am asesandleni sako; ndikulule esandleni sentshaba zam, nakwabo banditshutshisayo. ₁₆Kanyisa ubuso bako ngasesicakeni sako; ndisindise ngobubele bako. ₁₇Mandingadaniswa, Yehova! ngokuba ndibizele kuwe: mabadaniswe abakohlakeleyo, mabati tu encw̔abeni bona. ₁₈Maitiwe cwaka imilomo exokayo, eteta into elukuni ngakuye olungileyo nger̔atshi nangokudela.

₁₉Hai ubukulu bobubele bako! obo ububekelele abakwoyikayo, obo ubenzele abo batemba kuwe pambi kwonyana boluntu. ₂₀Uya kubafihla endaweni efihlakeleyo yobuko bako kuzo ingcebano zabantu; uya kubazimeza ententeni kuko ukupika kwelwimi. ₂₁Makabongwe uyehova; ngokuba endenzele ububele bake into engummangaliso, njengokungati bendisesixekweni esiyinqaba. ₂₂Ngokuba ndibe ndite ekunxameni kwam: Ndinqanyulwe ebusweni bamehlo ako; kanti ubusiva ilizwi lezikungo zam, ndakulilela kuwe.

₂₃Tandani uyehova, nonke nina bangcwele bake! uyehova elondoloza abanyanisayo nje, epindezela ngokukolisekileyo kowenza nger̔atshi. ₂₄Kalipani, waeya kwomeleza intliziyo yenu, nonke nina nitembela kuyehova!