Imizekeliso 29

₁UMNTU onokwohlwaywa futi, oti noko enze lukuni intamo yake, wobujiswa ngebaqo, kungabiko lusizo.

₂Nxa abalungileyo basebukulwini, abantu bayavuya; kodwa kwakupatwa ngokohlakeleyo, abantu bayagula.

₃Umntu otanda ubulumko, uyavuyisa uyise; kodwa odlelana nengnawokazi, uyacitakalisa imfuyo yake.

₄Ukumkani uyamisa ilizwe ngobugwebo; kodwa umntu owamkela amabaso uyalicita.

₅Umntu obongayo ummelwane wake, uyaneka utambo emanyateleni ake.

₆Ekwoneni kwomntu okohlakeleyo kuko umgibe; kodwa olungileyo uya kugcoba avuye.

₇Olungileyo uyalazi ityala lamahlwempu; kodwa okohlakeleyo akayi kugqala ukulazi.

₈Abantu bokugxeka bayapitizelisa isixeko; kodwa abalumkileyo bayanqanda umsindo.

₉Umntu olumkileyo akupikisana nomntu olihilihili, nokuba uyajala, nokuba uyahleka, akuko ukwonwaba noko.

₁₀Abantu begazi bayatiya oyinene; kodwa abalungisayo bayafuna umpefumlo wake.

₁₁Isidenge siyapumisa wonke umoya wake; kodwa ilumko liyawubamba mva.

₁₂Oyinkosi akupulapula ilizwi lobuxoki, bonke abakonzi bake bangabakohlakeleyo.

₁₃Ihlwempu nomntu wokubandezela bayahlangana; uyehova uyakanyisa amehlo abo bobabini.

₁₄Ukumkani opata amahlwempu ngenyaniso, iterone yake yoqiniswa kude kube ngunapakade.

₁₅Uswazi nokwohlwaya kuyanika ubulumko; kodwa umntwana oyekelwayo uyamhlazisa unina.

₁₆Kuti kwakwanda abakohlakeleyo, kwande ukwona; kodwa abalungileyo bokangela ukuwa kwabo.

₁₇Luleka unyana wako, waeya kukwonwabisa; ewe, wonika umpefumlo wako iziyoliso.

₁₈Nxa kungeko umboniso, abantu baba ngabangevayo; kodwa ogcinayo umteto, hai itamsanqa lake!

₁₉Osisicaka akayi kululekwa ngamazwi; nakuba aqondayo, akuko impendulo noko.

₂₀Uyabona na umntu onokunxama emazwini ake? kuko itemba ngaso isidenge pezu kwake.

₂₁Owondlayo isicaka sake ngobutataka kwa sebuntwaneni, soda sibe ngunyana ekupeleni.

₂₂Umntu onomsindo uyavusa ipike; nomntu osisibovubovu ufuti ekwoneni.

₂₃Ir̔atshi lomntu liya kumtobela pantsi; kodwa omoya utobekileyo wozuza udumo.

₂₄Owahlulelana nesela, uyatiya owake umpefumlo; uyeva isiqalekiso, angaxeli noko.

₂₅Ukwoyika abantu kwobeka umgibe; kodwa otembayo uyehova womiswa enyangweni.

₂₆Baninzi abafunayo ubuso benkosi; kodwa ukulungiswa kwabantu kuvela kuyehova.

₂₇Umntu wobumenemene uyintshontsho kwabalungisayo; kanjalo ondlela ilungile uyintshontsho kokohlakeleyo.