U‐Yoshuwa 18

₁YAZA yahlanganisana yonke intlanganiso yosapo luka‐Sirayeli e‐Shilo, yamisa kona intente yentlangano. Lati ilizwe leyiswa pambi kwalo.

₂Kwaye kusala pakati kwosapo luka‐Sirayeli izizwe zazisixe̔nxe, ezingekabelwanga ilifa lazo. ₃Ngako u‐Yoshuwa wati elusatsheni luka‐Sirayeli: Kwoda kube ninina eniya kunqena ukuya kufuya ilizwe, enilipiweyo nguyehova, utixo woyihlo benu? ₄Kupani amadoda abe matatu ngesizwe ngesizwe, endiya kuwatuma, ukuba esuke acande elizweni, alibalise ngokwelifa lawo, abuye eze kum. ₅Aeya kuzabela lona ngezabiwo ezisixe̔nxe: u‐Juda uya kuhlala pezu kwomda wake ngasesuyide, nendlu ka‐Josefe bona bohlala pezu kwomda wabo ngasenode. ₆Nina ngoko niya kubalisa ilizwe ngezabiwo ezisixe̔nxe, nize nizise imbaliso kum kulendawo, ukuba ndinenzele amaqashiso apa pambi kwoyehova, utixo wetu. ₇Ngokuba aba‐Levi bengenaso isabelwa pakati kwenu; koko ubuperisite bukayehova bulilifa labo: kanjako u‐Gadi, no‐Rubene, nesiqingata sesizwe sika‐Manase, sebelamkele ilifa labo pesheya kwe‐Yoredane ngasempumalanga, abalinikiweyo ngu‐Mosesi, isicaka sikayehova.

₈Aza esuka amadoda lawo, emka ke. Waye u‐Yoshuwa eyalele abo bemkayo ukuya kubalisa ilizwe, ngokuti: Hambani nicande elizweni, nilibalise; nize nibuyele kum, ukuba ndinenzele apa amaqashiso pambi kwoyehova e‐Shilo. ₉Emka ke amadoda lawo, adlula pakati kwelizwe, alibalisa ngezixeko zalo ngezabiwo ezisixe̔nxe encwadini, abuya eza ku‐Yoshuwa emnqubeni e‐Shilo. ₁₀Waza u‐Yoshuwa wawenzela amaqashiso e‐Shilo pambi kwoyehova: waye u‐Yoshuwa kanjalo wabela kona ilizwe elusatsheni luka‐Sirayeli, njengezahlulo zalo.

₁₁Kwaye kunyuka iqashiso lesizwe sosapo luka‐Benjamine, ngezizalwane zalo: wapuma umda weqashiswa lalo pakati kwosapo luka‐Juda nosapo luka‐Josefe.

₁₂Wabuvela umda walo, ngecala lasenode, e‐Yoredane; waza wenyuka umda lowo waya ecaleni le‐Jeriko ngasenode, wabuya wenyuka ngentaba ngasentshonalanga, nokupela kwawo kwakusentlango yase‐Betavene. ₁₃Wagqita kona umda lowo waya ngase‐Luze, ecaleni le‐Luze, ekwa yiyo i‐Betele, ngasesuyide; waza umda lowo wehlela e‐Hatarote‐adari, ngasentabeni esecaleni lasesuyide le‐Bete‐horone yasezantsi.

₁₄Woluka umda lowo, wajikela ecaleni lolwandle ngasesuyide, uvela entabeni epambi kwayo i‐Bete‐horone ngasesuyide; nokupela kwawo kwakuse‐Kiriyate‐bali, ekwa yiyo i‐Kiriyate‐yarime, isixeko sosapo luka‐Juda: eli licala lasentshonalanga.

₁₅Lavela icala lasesuyide esipelweni se‐Kiriyate‐yarime; wapuma umda lowo waya ngasentshonalanga, wapumela emtonjeni wamanzi ase‐Nefetowa: ₁₆waza umda lowo wehlela esipelweni sentaba epambi kwaso isihlambo sonyana ka‐Hinome, esisemhlanjeni wama‐Rafa ngasenode; wandula wehlela esihlanjeni sika‐Hinome, ecaleni le‐Yebusi ngasesuyide, wehla kanjalo waya e‐Hene‐rogela; ₁₇waza woluka enode, wapumela e‐Hene‐shemeshe; wapuma kona waya e‐Gelilote, emalungana neqina lase‐Adumime, wehlela elityeni lika‐Bohane unyana ka‐Rubene, ₁₈wadlulela ecaleni elimalungana ne‐Haraba ngasenode, waza wehlela e‐Haraba: ₁₉wadlula ke umda lowo waya ecaleni le‐Bete‐hogela ngasenode: nokupela kwawo umda lowo kwakusecwebeni lasenode lolwandle olutyuwa, esipelweni sasesuyide se‐Yoredane: nguwo lo umda wasesuyide.

₂₀Kanjalo i‐Yoredane ibingumda walo ngecala lasempumalanga.

Eli lilifa losapo luka‐Benjamine, ngemida yalo engqongayo, ngezizalwane zalo.

₂₁Kekaloku nazi izixeko zesizwe sosapo luka‐Benjamine, ngezizalwane zalo: i‐Jeriko, ne‐Bete‐hogela, nomhlambo we‐Ketsitse, ₂₂ne‐Bete‐haraba, ne‐Tsemarayime, ne‐Betele, ₂₃ne‐Havime, ne‐Para, ne‐Hofera, ₂₄ne‐Kefari‐hamonai, ne‐Hofeni, ne‐Gaba; izixeko ezilishumi linazibini nemizi yazo: ₂₅i‐Gibeyone, ne‐Rama, ne‐Berote, ₂₆ne‐Mitsipe, ne‐Kefira, ne‐Motsa, ₂₇ne‐Rekeme, ne‐Yiripele, ne‐Tarala, ₂₈ne‐Tsela, ne‐Elefe, ne‐Yebusi, ekwa yiyo i‐Yerusaleme, ne‐Gibehate, ne‐Kiriyate; izixeko ezilishumi linazine, nemizi yazo.

Eli lilifa losapo luka‐Benjamine, ngezizalwane zalo.