U‐Jobi 32

₁KWA njalo banqamka ababantu bobatatu ekumpenduleni u‐Jobi, ngokuba ebelungile kwawake amehlo.

₂Kwandul’ ukuvuta ingqumbo ka‐Elihu unyana ka‐Barakeli um‐Buze, owesizalwane sika‐Rame: ngakuye u‐Jobi yavutu ingqumbo yake, ngenxa yokuba wazigwebela ngapezu kwotixo: ₃nangakubo abahlobo bake abatatu kwavuta ingqumbo yake, ngenxa yokuba bebengafumananga impendulo, bamgweba u‐Jobi noko. ₄Kodwa u‐Elihu ebelindisele u‐Jobi amazwi ake, ngokuba bona bebebadala kuye imihla yabo. ₅Ngako akubona u‐Elihu ukuba akuko mpendulo emlonyeni walomadoda omatatu, yandul’ ukuvuta ingqumbo yake.

₆Waza wapendula u‐Elihu unyana ka‐Barakeli um‐Buze, wati:

Mna ke imihla yam mincinane, kodwa nina ningamaxego; ngako oko bendindweba, ndoyika ukunityela isicamango sam. ₇Ndati: Imihla inge iteta, nobuninzi beminyaka bunge busazisa ubulumko. ₈Kodwa kuko umoya emntwini; nokupefumla kwosomandla kuyabanika ingqondo. ₉Asi ngabo abakulu abalumkileyo; asi ngabo abadala abaqonda okufaneleyo. ₁₀Ndite ngoko: Pulapula kum; ndiya kutyela isicamango sam kwa mna.

₁₁Bona ke, ndilindile amazwi enu; ndabekela izizatu zenu indlebe, nxa nibe nifunisela into yokuteta. ₁₂Ewe, ndanyameka kuni; kanti bona ke, akuko namnye owanyeleyo u‐Jobi, akuko namnye kuni owaguqula iziteto zake: ₁₃hleze nitsho ukuti: Sibufumene ubulumko: utixo uyamcita, asi ngumntu. ₁₄Ukuba engabekisanga ngakum amazwi ake, ngako andiyi kumpendula ngeziteto zenu.

₁₅Babematisiwe, ababuya bapendule; bemkelwa ngamazwi. ₁₆Bendihlala ke, ngokuba bengateti; ngokuba bete nqumama, bengabuyanga bapendule. ₁₇Sendiya kupendula nam isahlulo sam; ndiya kutyela isicamango sam kwa mna. ₁₈Ngokuba ndizele ngamazwi; umoya pakati kwam uyandinyanzela. ₁₉Bona ke, umbilini wam unjengeveyine engavulelwanga; njengentsuba ezintsha uza kugqoboka. ₂₀Ndiya kuteta, ndize ndibe nokupefumla; ndovula umlomo wam, ndipendule ke. ₂₁Mandingake ndibuke ubuso bendoda; kanjalo umntu andiyi kumbonga. ₂₂Ngokuba ndingakwazi ukubonga: ngeehla andisuse umenzi wam!