DZIPHISALEMA 100

₁Ḽifhasi ḽoṱhe

nga ḽi ṱavhele Muṋe washu mukosi nga dakalo.

₂Shumelani Muṋe washu no takala;

iḓani khae ni tshi fhululedza.

₃Ḓivhani uri Muṋe washu ndi Ene Mudzimu!

Ndi Ene o ri vhumbaho,

riṋe ri vhathu vhawe,

ri nngu dzine a dzi lisa.

₄Dzhenani nga khoro dzawe ni tshi livhuha,

ni dzhene miṱani yawe ni tshi mu renda;

mu livhuheni ni rende dzina ḽawe.

₅Muṋe washu u na vhuthu,

lufuno lwawe a lu gumi,

u ḓi fulufhedzea,

zwi tshi ya nga mirafho na mirafho.