DZIPHISALEMA 101

₁Tsha ndi imbe lwa vhuthu hau na khaṱhulo mbuya;

tsha ndi u imbele, Muṋe washu!

₂Ndi ḓo ḓilonda nda tshila vhutshilo vhu sa solisei.

Yowee, u ḓo nndalela lini?

Ndi ḓo tshilisana na vha muṱa wanga ndí na luvalo lwo ṱambaho.

₃Ndi nga si vhuye nda konḓelela zwo vhifhaho;

zwiito zwa vhane vha gunea zwi nga si nnambatele.

₄Ndi ḓo ḓiilisa vhuvhi nda furalela vhadziavhufhura.

₅Mudziatshisolo ndi ḓo mu vala mulomo,

a si tsha dovha;

wa u ḓihudza na u ḓiḓivha a thi nga mu konḓeleli.

₆Ndi ḓo konana na vhane vha fulufhedzea,

nda dzula navho;

a sa solisei u ḓo vha mulanda wanga.

₇Ane a fhura ha nga dzuli muṱani wanga,

ane a shanda mafhungo a nga si dzule hune nda mu vhona.

₈Misi yoṱhe ḽi tshi tsha

ndi ḓo tupula vhavhi vhoṱhe shangoni; ndi sudzulusa vhavhi vhoṱhe

muḓini wa Muṋe washu.