NZUMBULULO 7

₁Ngavhuya nda vhona vharuṅwa vhaṋa vho ima khuḓani nṋa dza ḽifhasi vho thivha mimuya i bvaho matungo maṋa oṱhe, uri hu si vhe na muya u vhudzulaho u tshi ya lwanzheni kana shangoni kana mirini. ₂Zwenezwo nda vhona muṅwe muruṅwa a tshi bva Vhubvaḓuvha o fara tshigivho tsha Mudzimu a tshilaho, a vhidzelela nga ipfi ḽihulu a tshi vhidzelela vhaḽa vharuṅwa vhaṋa vhe vha ṋewa maanḓa a u tshinyadza shango na lwanzhe, ₃a ri, “Ni songo tshinyadza shango kana lwanzhe kana miri ri sa athu swaya vhalanda vha Mudzimu washu kha phanḓa dzavho.” ₄Nda pfa upfi vho swaiwaho nga luswayo lwa Mudzimu ndi 144 000. Vhone vho vha vha tshi bva kha matsinde oṱhe a Vhaisraele.

₉Ndo no vhona izwo nda dovha nda vhona gogo ḽihulu ḽa vhathu vha sa vhalei vha bvaho kha tshakha dzoṱhe na mitupo yoṱhe na mashango oṱhe na nyambo dzoṱhe vho ima phanḓa ha khuluṋoni, henefho phanḓa ha Ngwana, vho ambara tshena vho fara matavhi a mitshevho, ₁₀vha tshi khou vhidzelela nga ipfi ḽihulu vha tshi ri,

₁₁Zwenezwo vharuṅwa vhoṱhe vho imaho vho tanga khuluṋoni na vhahulwane na zwivhumbwa zwi tshilaho zwiṋa vha mbo ḓi wa nga zwifhaṱuwo vho livhana na khuluṋoni, vha luvha Mudzimu ₁₂vha tshi ri,

₁₃Ndi hone muṅwe wa vhaḽa vhahulwane a tshi mmbudzisa a ri, “Avha vho ambaraho tshena ndi vhonnyi? Vha bvafhi?”

₁₄Nṋe nda ri, “Muṋe wanga, zwi sa ḓihwi ngeo naa?” Ene a ri, “Havha ndi vho tambudzwaho zwihulu. Vho ṱanzwa nguvho dzavho nga malofha a Ngwana, dza tshena. ₁₅Ndi zwine wa vhona vho ima phanḓa ha khuluṋoni ya Mudzimu vha tshi mu shumela nḓuni yawe vhusiku na masiari. Hoyo o dzulaho kha khuluṋoni, vhugala hawe vhu ḓo alama nṱha havho.

₁₆“A vha tsha ḓo pfa nḓala kana ḓora. A vha tsha ḓo swa nga ḓuvha, kana u rungunya nga biso.

₁₇“Ngwana i re vhukati ha khuluṋoni i ḓo vha lisa, ya vha endedza ya vha isa zwisimani zwa maḓi a ṋeaho vhutshilo. Mudzimu Ene u ḓo vha fhuluṱa miṱodzi.”