Pesalema 130

₁Ke rile ke le mo matennyeng

ka goela koo go wena Jehofa.

₂Morena, utlwa lentswe la me;

a ditsebe tsa gago di akele

lentswe la mekokotlelo ya me.

₃Jehofa, fa o ka bo o ne wa lotolotsa

maikepo,

go ka bo go ema mang, Morena?

₄Go na le boitshwarelo mo go wena,

gore o tle o boifiwe.

₅Ke lebeletse Jehofa,

mowa wa me o lebeletse fela,

mme ke solofetse mo lefokong

la gagwe.

₆Mowa wa me o lebeletse Morena

bogolo go fa balebedi ba lebelela

mahube a moso; ee, bogolo

go balebedi ba mahube a moso.

₇Iseraele, solofela mo go Jehofa;

gonne mo go Jehofa

go na le boutlwelobotlhoko;

e bile mo go ene

go na le thekololo e e letlotlo fela.

₈O tlaa rekolola Iseraele

mo maikepong otlhe a gagwe.