Ku vonga Yehovha ni ku tisola.
1Tanani, hi yimbelela tinsimu eka Yehovha!
Hi huwelela hi ku tsaka eka ribye ra ku hlayiseka ka hina.
2A hi tikombeni emahlweni ka yena hi ku vonga,
Hi n'wi dzunisa hi tinsimu.
3Hikuva Yehovha i Xikwembu lexikulu,
I hosi leyikulu leyi tlulaka swikwembu hinkwaswo.
4Ku enta ka misava ku le xandleni xa yena.
Ni tinhlohlorhi ta tintshava ta yena.
5Lwandle i ra yena, i ntirho wa yena,
Na yona misava leyi tiyeke, yi vumbiwile hi mavoko ya yena.
6Tanani, hi khinsama, a hi korhameni,
Hi khinsamela Yehovha, muvumbi wa hina,
7Hikuva hi yena Xikwembu xa hina.
Kutani hina hi tiko leri risiwaka hi yena.
Ntlhambi lowu fambisiwaka hi voko ra yena.
Namuntlha loko mi yingisa rito ra yena,
8Mi nga nonon'hwisi timbilu ta n'wina, kukotisa le Meriba,
Tanihi emasikwini ya Masa le mananga,
9Laha vatata wa n'wina va nga ndzi ringa kona,
Va ndzi ringa, hambi va vonile mitirho ya mina.
10Ndzi phiriwa hi rixaka leri hi mune wa makume ya malembe,
Ndzi ku: “I tiko leri mbilu ya rona yi lahlekeke,
A va tivi tindlela ta mina,”
11Hi laha ndzi nga hlambanya evukarini bya mina,
Leswaku va nga ka va nga ngheni eku wiseni ka mina!
