TIPISALEMA 61

₁Oho Xikwembu!

Yingisa ku huwelela ka mina,

Yingisisa xikhongelo xa mina!

₂Ndzi huwelela eka wena ndzi ri emakun'wini ya misava,

eku heleni ka mbilu ya mina;

Ndzi fambise eribyeni leri ndzi hlulekaka ku khandziya ka rona!

₃Hikuva u xichavelo xa mina,

U khokholo ra mina ra ku tiya emahlweni ka nala.

₄Ndzi rhandza ku tshama entsongeni wa wena hi laha ku nga heriki.

Ndzi ta chavela endzhutini wa timpapa ta wena.

₅Hikuva wena, Xikwembu, u yingisile ku kombela ka mina,

U ndzi nyikile ndzhaka ya lava chavaka vito ra wena.

₆Andzisa masiku ya hosi;

Malembe ya yona a ma fike emasikwini lama nga heriki,

₇A yi tshamise emahlweni ka Xikwembu hi laha ku nga heriki!

Lerisa tintswalo ni swinene, swi yi langutela!

₈Hi laha ndzi nga ta dzunisa vito ra wena hi masiku,

Ndzi hetisa ku hlambanya ka mina siku rin'wana ni rin'wana.