Pesalema 70

₂Oho, Modimo, ako ntopolle;

oho, Morena,

ako potlakele ho nthusa.

₃Ba tsomileng bophelo ba ka

ba ke ba hlajwe ke dihlong,

ba ferekane;

ba ntakaletsang bobe

ba ke ba tjhetjhe, ba tlontlolohe.

₄Ba ke ba kgutliswe

ke ho tlontloloha,

bana ba reng ka nna: “Aha! Aha!”

₅Bohle ba o batlang

ba ke ba nyakalle, ba o thabele.

Ba ratang ho pholoswa ke wena

ba nne ba re:

“Modimo o moholo!”

₆Ha e le nna

ke mohlophehi le mofutsana:

Oho, Modimo, ako mpotlakele.

Ke wena mothusi le molopolli wa ka;

oho, Morena, se diehe.