MORUTI 6

₁Ho na le bobe bo bong boo ke bo boneng mona lefatšeng, 'me bo imela batho haholo. ₂Molimo o fa motho leruo, matlotlo le tlōtla, hoo a sa haelloeng ke letho la tseo a li labalabelang, empa Molimo ha a ke a mo fa matla a hore tsena a li je, ebe li jeoa ke motho e mong. Hona ke lefeela, ke bobe bo otlang pelo.

₃Ha monna a ka tsoala bana ka lekholo, 'me a phela lilemo tse ngata, ha ho tsotellehe hore na o phela halelele hakae, haeba a ke ke a ithabisa ka maruo ao a hae, le phupu ea hae ea e-ba e tlontlollang, 'na ke re sefolotsana se lehlohonolo ho mo feta. ₄Ho tsoaloa ha sona ke lefeela, se shoella lefifing, lebitso la sona ha le tsejoe. ₅Le hoja se sa ka sa bona letsatsi, leha e le ho le tseba, se phomotse hamonate ho feta motho eo. ₆Leha a ka phela lilemo tse likete tse peli, 'me a se ke a ithabisa ka maruo a hae, feela, o ea sebakeng se le seng le sefolotsana seo.

₁₂Ke mang ea ka tsebang se molemo ho motho bophelong boo bo bokhutšoanyane, boo a fetang ho bona joalokaha eka ke seriti? Ke mang ea ka 'molellang se tla etsahala moo lefatšeng ha eena a se a iketse?