LIPESALEMA 13

₂Morena, u tla 'ne u ntebale

ho fihlela neng?

U tla mpatela sefahleho sa hao

ho fihlela neng?

₃Ke ho fihlela neng

moea oa ka o tla utloa bohlōkō,

le pelo ea ka e hlomohe

ka matsatsi 'ohle?

Sera sa ka se tla ntlhōla

ho fihlela neng?

₄Morena Molimo oa ka,

talima, u nkarabe hle;

ak'u elise mahlo a ka,

esere ka roballa ruri,

₅sera sa ka sa tšoha se re:

“Ke mo hlōtse,”

le ba ntoantšang

ba thabela ho oa ha ka.

₆Ha e le 'na,

ke tšepile mohau oa hao;

pelo ea ka e ke e nyakalle

hobane u mpholositse.

₇A nke ke binele Morena,

hobane o nketselitse tse molemo.