AMARHUBO 26

Ngihlambulula Somnini

ngombana ngikhambe ngobuqotho,

ngathemba uSomnini ngokungazazi.

₂Ngizizinye Somnini, ungiphenye;

uhlolisise iziso nehliziywami.

₃Ngebanga lokwethembeka kwakho

ngikhamba eqinisweni lakho.

₄Angihlali neengilamkhuba,

namkha ngizihlanganise nabazenzisi.

₅Ngiyawuzonda umhlangano wabenzi bobumbi

begodu angeze ngahlala neenkhohlakali.

₆Ngihlamba izandla zami, ngimsulwa,

iye, ngizombeleza i-aldari lakho Somnini,

₇ngokuphakamisa ilizwi lokuthokoza

nangokumemezela zoke iimangaliso zakho.

₈Somnini, ngiyayithanda indlu ohlala kiyo,

iye, lapha kuhlala khona iphazimulwakho.

₉Ungangithanyeli nezoni,

namkha ipilwami nabantu abomele iingazi.

₁₀Ungangithanyeli nabanezandla zokonakala,

iye, labo isidla sabo esigcwele ukufunjathiswa.

₁₁Kodwana mina, ngikhamba ngobuqotho,

yeke, ngihlenge ube nomusa kimi.

₁₂Inyawo lami lijame ehlabathini elelezekileko;

iye, emkhandlwini omkhulu ngizakudumisa uSomnini.