Tlhahisoleseding e Nngwe

U-EZRA 5

Ukuthonywa kokuvuselelwa kwethempeli

₁Abaphorofidi, uZakariya osizukulwana saka-Ido noHagayi, baphorofida ebizweni lakaZimu wakwa-Israyeli ngokujamelana namaJuda agade akwaJuda neJerusalema. ₂Nje-ke uZerubhabheli umsa kaTjheyaltiyeli noJetjhuwa umsa kaJotsadakhi basikima bathoma ukuvuselela ithempeli lakaZimu eliseJerusalema. Abaphorofidi bakaZimu bebakanye nabo babasiza.

₃Ngesikhatheso uTatenayi umbusi wesifunda sangetjingalanga yomlambo iYufrathe akanye noTjhetari-Bhozenayi nabasebenzisani babo beze kibo bafese bakhulumisana nabo bunje: “Niyithethephi imvumo yokwakha ithempeleli nokubeka iphahla lalo na?” ₄Godu bababuza bathi: “Bobani amabizo wamadoda akha isakhiwesi?” ₅Kodwana ilihlo lakaZimu belibelusile abaphathi bamaJuda. Nje-ke akhange bakghone ukuwajamisa ukufika lapha kubikwa khona kuDariyasi bekufunyanwe nomyalwakhe otloliweko mayelana nendaba le.

₆UTatenayi umbusi wesifunda sangetjingalanga yomlambo iYufrathe akanye noTjhetari-Bhozenayi nabasebenzisani babo abagade bangesifundeneso, bathumela incwadi kuDariyasi ₇inombiko otlolwe bunje:

Akwande ukuthula kuDariyasi ikosi!

₈Besithi akwazeke ekosini bonyana siyile esifundeni sakwaJuda, ethempelini lakaZimu omkhulu. Lona-ke lakhiwe ngamatje acoziweko begodu neengodo sezibekiwe emabodeni. Umsebenzi lowo wenziwa ngokukhuthala okukhulu kanti godu uragela phambili. ₉Nje-ke thina sibuze abaphathabo sathi kibo: “Niyithethephi imvumo yokwakha ithempeleli nokubeka iphahla lalo na?” ₁₀Begodu sibabuze namabizwabo kobana siwatlole phasi ukuze sazise ikosi amabizo wabarholi babo. ₁₁Yeke nasi ipendulwabo abasiphe yona: “Thina siziinceku zakaZimu wezulu nephasi begodu sivuselela ithempeli elalakhiwe yikosi edumileko yakwa-Israyeli laphela iminyaka eminengi eyadlulako. ₁₂Kodwana ngenca yokobana abobamkhulu batjhijila uZimu wezulwini, wabanikela ezandleni zakaNebukhadinetsari ikosi yeBhabheli emKasidi yabhubhisa ithempeleli beyathumba abantu yabasa eBhabheli. ₁₃Nokho-ke ngomnyaka wokuthoma wokubusa kwakaKoretjhi ikosi yeBhabheli, wakhupha umyalo bonyana ithempeli lakaZimeli kufuze livuselelwe. ₁₄Ngitjho nezitja zegolide nezesiliva zethempeli lakaZimu egade zithethwe nguNebukhadinetsari eJerusalema wazisa eBhabheli, ikosi uKoretjhi wazikhupha eBhabheli zalethwa kiloyo ibizo lakhe ebekunguTjhetjhibhatsari, okunguye agade amenze umbusi, ₁₅wathi kuye, ‘Thatha izitjezi ukhambe nazo. Wenze bona ithempeli lakaZimu liyavuselelwa endawenalo eJerusalema bese uzifake khona.’ ₁₆Nje-ke, uTjhetjhibhatsari loyo weza wafese wabeka isisekelo sethempeli lakaZimu eJerusalema. Ukusukela ngesikhatheso bekube kunjesi, liyakhiwa begodu alikabi ukuphela.”

₁₇Nangabe kubonakala kukuhle ekosini, akwenziwe iphenyo endlini yokubulunga imilando yesigodlo khonapho eBhabheli, kubonwe bonyana mbala umyalo loyo wakhutjhwa yikosi uKoretjhi kobana kuvuselelwe ithempeli lakaZimu eJerusalema na. Nje-ke besibawa bona ikosi isazise isiphetho sayo ngendaba le.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

U-EZRA 5

Ukuthonywa kokuvuselelwa kwethempeli