Tlhahisoleseding e Nngwe

U-EZRA 3

Ukuvuselelwa kokulotjhwa kwakaSomnini eJerusalema

₁Kwathi lokha nakufika inyanga yekhomba, ama-Israyeli sele asemizini, abantu bahlangana njengomuntu oyedwa eJerusalema. ₂UJetjhuwa umsa kaJotsadakhi nabafowabo ababaphristi kanye noZerubhabheli umsa kaTjheyaltiyeli nabafowabo, bazilungiselela ukwakha i-aldari lakaZimu wakwa-Israyeli kobana kunikelwe imihlabelo yokutjhiswa kilo njengombana kutlolwe emthethweni kaMosi umuntu kaZimu. ₃Nanyana bebanevalo ngabantu ababazombelezileko, bakha i-aldarelo endawenalo, basungula ukunikela kuSomnini imihlabelo yokutjhiswa phezu kwalo. Kwaba mihlabelo yokutjhiswa ekuseni nantambama. ₄Bagidinga umnyanya wemiTlhatlhana njengombana kubekiwe: imihla ngemihla banikela imihlabelo yokutjhiswa ukuya ngenani lesidingo samhlokho. ₅Emva kwalokho baragela phambili ngokunikela imihlabelo yangemihla, imihlabelo yokuthwasa kwenyezi, imihlabelo yayo yoke iminyanya ekhethekileko kaSomnini kanye neminikelo yesihle ebeyithenjiswe uSomnini.

Ukubekwa kwesisekelo sethempeli

₆Nanyana isisekelo sethempeli lakaSomnini besingakabekwa, ukusukela mhlokho basungula ukunikela imihlabelo yokutjhiswa kuSomnini ngelanga lokuthoma lenyanga yekhomba. ₇Baqatjha abacozi bamatje nabafuleli bebabanikela ukudla nokuselwako. AmaTsidoni namaTirosi anikelwa amafutha we-oliva kobana alethe eJopha iingodo zomsedari weLibhanoni ezithayiswa ngelwandle. Lokhu kwenziwa ngegunya lakaKoretjhi ikosi yePheresiya.

₈Emnyakeni wesibili ngemva kokufika kwabo ethempelini lakaZimu eJerusalema, enyangeni yesibili, uZerubhabheli umsa kaTjheyaltiyeli noJetjhuwa umsa kaJotsadakhi, bathoma umsebenzi. Lokho bakwenza ngokusekelwa baphristi okubafowabo, amaLevi nabo boke ebebabuya ekuthunjweni. Bathoma ngokubeka amaLevi aneminyaka ematjhumi amabili ukuya phezulu bona engamele umsebenzi wethempeli lakaSomnini. ₉Nje-ke uJetjhuwa, amadodanakhe nabafowabo kanye noKhadimiyeli namadodanakhe, okuziinzukulwana zakaHodaviya, bebabambisene baqalene nomsebenzi wethempeli lakaZimu. Godu bebakanye namadodana kaRhenadadi, amadodanabo kanye nabafowabo, boke bamaLevi.

₁₀Kwathi lokha abakhi nababeka isisekelo sethempeli lakaSomnini, abaphristi beza bembethe izambatho zabo baneemporompita, namaLevi okumadodana ka-Asafa eza neewahlo bona kuzokudunyiswa uSomnini njengombana kwayala uDavida ikosi yakwa-Israyeli. ₁₁Badumisa begodu bathokoza uSomnini ngokukhalela ingoma yokuvumelana bathi:

“USomnini ulungile;

ukwethembeka kwakhe ku-Israyeli kujame isiphelani.”

Boke abantu barhuwelela khulu, badumisa uSomnini ngokubekwa kwesisekelo sethempeli lakhe. ₁₂Abaphristi abanengi, amaLevi neenhloko zemindeni, okutjho woke amaqhegu agade abone ithempeli lokuthoma, arhahlawula lokha nakabona kubekwa isisekelo sethempeli phambi kwawo, kodwana abanye abanengi barhuwelela bahlokoma. ₁₃Itjhadelo belilikhulu kangangobana abantu akhange bakwazi ukuhlukanisa bonyana ngelokujabula namkha ngelokulila. Iye, abantu barhuwelela khulu, itjhada labo lazwakala kude.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

U-EZRA 3

Ukuvuselelwa kokulotjhwa kwakaSomnini eJerusalema

Ukubekwa kwesisekelo sethempeli