SAKARIA 12

₁Lentšu le le boletšwego ke Morena e ela Isiraele, ke la Morena moalalegodimo, mothealefase, mohlolamoyamothong. ₂Tsebang! Jerusalema ke tlo go dira senwelo setagaditšhaba thoko tšohle; le Juda ke tlo mo lela ka thakelelo ya Jerusalema. ₃Mehleng yeo Jerusalema ke tlo go dira lebje lerobaditšhaba. Baetšagolekuka le tlo ba gobatša, le merafo yohle ya lefase e le boka. ₄Mohla woo -- Morena o realo -- ke tlo otla pitsi tšohle ka poifa, banamedi ka ba otla ka bogafa. Moloko wa Juda ke tlo o hlapetša; pitsi tšohle tša ditšhaba ka di otla ka bofofu. ₅Babuši ba Juda pelong tša bona ba tlo re: Maatla a rena ke baagi ba Jerusalema ka Morena wa Mašaba Modimo wa rena.

₆Mohla woo babuši ba Juda e tlo ba magala makgolelwadikgonyeng, ba tlo etša diša ditšhumamašiši. Ba tlo ja ditšhaba tša mathoko ohle, go le letona, go la ntsogošo, mešo e go fela; mme motse wa Jerusalema o tlo dulwa o le fa Jerusalema.

₇Morena o tlo thoma ka go hlakodiša mekutwa ya Juda, gore tago la moloko wa Dafida le la ba Jerusalema le se tlo feta la Juda. ₈Mohla woo Morena o tlo šireletša ba Jerusalema, mmotlana wa bona a tlo ka Dafida, moloko wa Dafida wa tlo ka Modimo, o le bjalo ka Morongwa wa Morena o ba eta pele. ₉Mohla woo ke tlo nyaka tša go ka fediša tšhaba tšohle tša go tla go hula motse wa Jerusalema.

₁₀Ba moloko wa Dafida, le baagi ba Jerusalema, ke tlo ba tšhela Moya wa mabobo le wa merapelo; mme ba lebelela nna yo ba mo hlabilego; ba tlo mo llela sello sa motswalwaeši, sello se bohloko se e kego ke sa morwamogolo. ₁₁Mohla woo e tlo ba wa sello se segolo fa Jerusalema, se kakago sa Hadada wa Rimoni molaleng wa Megido (2 Koron. 35:22-25). ₁₂Sello se tlo enela ba lla ka moloko le moloko, ba moloko wa Dafida ba lla seng, basadi ba bona ba lla seng; ba moloko wa Nathani ba lla seng, basadi ba bona ba lla seng. ₁₃Ba moloko wa Balefi ba tlo lla seng, basadi ba bona ba lla seng. Ba moloko wa Simei ba tlo lla seng, basadi ba bona ba lla seng. ₁₄Le ba meloko e mengwe ba tlo lla seng, basadi ba bona ba lla seng.