PSALME ya 82

₁Modimo o eme phuthegong ya Modimo; o ahlola a le gare ga medimo.

₂Le tlo kgaotša neng go šaetša kahlolong le go beba difahlego tša bakgopo?

₃Ahlolelang mohlaki le sešuana; Le emele mmotlana le modiidi ge ba lokile.

₄Namolelang mohlaki le mohloki, le ba hlakodiše diatleng tša bakgopo.

₅Fela, ga ba lemoge, ga ba eletšege; ba swere tsela ya leswiswi; dithekgo tša naga di šuthile.

₆Nna ke be ke re le badimo, le barwa ba Yogodimodimo bohle.

₇Anthe le hwa la batho, le wa bjalo ka bagolwane ba bangwe.

₈Modimo nanoga o buše lefase, gobane ditšhaba ka moka ke tša gago.