PSALME ya 76

₁Modimo o tsebja ga Juda; leina la gagwe ga Isiraele ke le legolo.

₂Ngwako wa gagwe o Salema; bodulo bja gagwe bo Tsione.

₃A le moo o thokga tladi ya bora, le kotse, le tšhoša, le tlhabano.

₄O a boifiša, wena Raletago, ge o tšwa dithabeng tša dithebola.

₅Ba hlakotšwe, ba dioka tša bogale, ba ile le boroko; banna ba dinatla bohle ba hlokile maatla a matsogo.

₆Kgalemo ya gago, wena Modimo wa Jakobo, e ba wetša boroko bjo bogolo, le makoloi, le dipitsi.

₇Motšhabegi ruri ke wena; mme go ka ema mang ge o galefa!

₈O kwatša kahlolo o le legodimong mme lefase le a tšhoga la homola.

₉Ke ge wena Modimo o tsoga go ahlola, go phološa bahlaki bohle ba lefase.

₁₀Batho ge ba hutlega, e ba go retiša wena; e a tlogo šala mahutla a ile, ke wena o itlhamile.

₁₁Enelang Morena Modimo wa lena; mme le phethe tše le mo enetšego tšona. Lena ba mathoko ohle, mo ntšhetšeng dibego, yena motšhabegi,

₁₂yena mopaladikgang tša bakgoma, motšhabegi go dikgoši tša lefase.