PSALME ya 75
Modimo Moahlodi
Ya mohlabeledi, ka “Se senye”. Sefela sa Asafa sa go opelwa.
1Re a go leboga, Modimo. Re a go leboga. Barerelainalago ba bola mehlolo ya gago.
2Ge lebaka ke bona e le la gona, go tlo ahlola nna ka go loka kahlolong.
3Le ge lefase le ka šišinyega le bohle baagi ba lona, ke nna ke tsemago dithekgo tša lona.
4Baipoti ke ba rera ke re: Le se ke la ipota! Ba bokgopo ka re: Se napeng la lema dinaka!
5Se napeng la lema dinaka la di phagamiša, la bolela le šatalatša melala.
6Gobane go godišwa ga go tšwe bohlabela goba bodikela goba thoko ya borwa;
7Moahlodi ke Modimo; o kokobetša yono, yola a mo godiša.
8Gobane seatla sa Modimo se swere senwelo sa sebela se se fufulago se se nago le bohloko. O tlo ba tšhelela; mme bakgopo bohle ba lefase ba tlo gamola ba nwa le mašaledi.
9Ge e le nna ke tlo ithabela neng le neng, ke opelela Modimo wa Jakobo.
10Ba babe bohle o tlo ba roba dinaka, gwa phagama dinaka tša ba ba lokilego.
© Bible Society of South Africa 1986. Used with permission. All rights reserved.
