PSALME ya 3
Morena ke kotse
Sefela sa Dafida sa mohla a tšhaba Abesalomo morwa wa gagwe.
1Morena, manaba a ka a atile gakakang? Ba ba ntsogelago maatla ke ba bantši.
2Ke ba bantši ba ba mpolelago ba re: Ga a sa lwelwa ke Modimo.
3Fela, wena Morena, o kotse ya go mphemela; ke fadiša wena Monkinamološi.
4Ke mo hlabetše mokgoši, yena Morena; a nkaraba a le thabeng e kgethwa ya gagwe.
5Ka lala, ka robala, ka ba ka tsoga, ka gobane ke thekgilwe ke Morena.
6Ga ke sa tšhoga dira tše diketekete tša go ntika thoko tšohle.
7Tsoga Morena, Modimo wa ka o ntwele; gobane manaba a ka ohle o a roba mohlagare; ba babe o ba kgola meno.
8Phološo e go Morena. A tšhegofatšo yago e tlele setšhaba sa gago.
© Bible Society of South Africa 1986. Used with permission. All rights reserved.
